Ο θέμας ι Γραφιάκο τθερέλα τι κερέλ ι Ντεβλέσκε Βασιλειάσαρ. Αντράλ ανταλέ Βασιλειάταρ ο Ιεχωβά κα κερέλ τι αβέλ-πες μπαγιά οντουβά σο τθερέλας πι γκοντιάτε ι πφουβιάκε κατά αρχή. Σο ισί η Βασιλεία; Σαρ τζανάσα ότι κερέλα κουμάντος ακανά; Σο κερντάς μέχρι αντιβές; Ντα σο κα κερέλ κο ντιβεσά σο κα αβέν ανγκλ’ αμέντε; Ανταβά μάθημας ντα ο ντούι γιαβερά κα απαντίνεν ανταλέ ερωτησιέντε.

1. Σο ισί η Βασιλεία ι Ντεβλέσκι, ντα κον ισί λάκο Βασιλιάς;

Η Βασιλεία ισί εκ κυβέρνηση σο τσσουντάς ο Ιεχωβά Ντεβέλ. Λάκο Βασιλιάς, ο Ιησούς Χριστός, κερέλα κουμάντος κατά ουρανός. (Ματθαίος 4:17· Ιωάννης 18:36) Η Γραφή βακερέλα ότι ο Ιησούς «κα αβέλ Βασιλιάς . . . για πάντα». (Λουκάς 1:32, 33) Σαρ Βασιλιάς κι Βασιλεία κι Ντεβλέσκι, ο Ιησούς κα κερέλ κουμάντος σαρέ ι τζενέν κι πφουβ.

2. Κον ισί οντουλά σο κερένα κουμάντος γιεκ ι Ιησούσαρ;

Ο Ιησούς να κερέλα κουμάντος κορκορό. Τζενέ «σαρέ κατά φυλές ντα κατά τσσιμπά ντα κατά λαοί ντα κατά τθεμά . . . κα αβέν βασιλιάδες ντα κα κυβερνίνεν ι πφουβ». (Αποκάλυψη 5:9, 10) Καζόμ ισί οντουλά σο κα κυβερνίνεν ι Χριστόσαρ; Από αζομάν σο αβιλό ο Ιησούς κι πφουβ, εκατομμύρια τζενέ αβιλέ λέσκε μαθητές. Αλλά σάντε 144.000 λένταρ τζάνα κο ουρανός για τι κερέν κουμάντος γιεκ ι Ιησούσαρ. (Διαβάνεν Αποκάλυψη 14:1-4) Σαρέ ο γιαβερά Χριστιανοί κι πφουβ κα αβέν τελάλ κατά Βασιλεία.​—Ψαλμός 37:29.

3. Σόσκε η Βασιλεία ι Ντεβλέσκι ισί πο λατσσί κατά τζενένγκε κυβερνήσεις;

Ατζέ-ντα κάνα ο τζενέ σο κυβερνίνενα προσπαθίνενα τι κερέν λατσσέ πράγματα, να τθερένα ι ζορ τι κερέν σο-ντα μανγκένα. Ντα οντουλά σο κυβερνίνενα σοράν λένταρ μπέκιμ τι ντικχένα σάντε πουμαρό νεαυτός ντα μα τι πφαμπόνα μπαγιά ι τζενένγκε. Αλλά Οντουβά σο κερέλα κουμάντος κι Βασιλεία κι Ντεβλέσκι, ο Ιησούς, κα κυβερνίνελ για πάντα. Ο Ντεβέλ “τσσουντάς εκ βασιλεία σο να κα καταστραφίντιβελ ποτές”. (Δανιήλ 2:44) Ο Ιησούς κα κερέλ κουμάντος σαρί ι πφουβ. Επίσης να κα ξεχωρίνελ ι τζενέν. Ο Ιησούς ισί λατσσό ντα δίκαιος, ντα κα σικλιαρέλ ι τζενέν τι σικαβέν βον-ντα κο γιαβερά αγάπη, λατσσιπέ ντα δικαιοσύνη.​—Διαβάνεν Ησαΐας 11:9.

4. Εκ ζουρανί κυβέρνηση κα κερέλ κουμάντος σαρί ι πφουβ

Ο Ιησούς Χριστός ισί πο ζουρανό σαρέ κατά γιαβερά σο κερντέ κουμάντος. Διαβάνεν Ματθαίος 28:18 ντα σοράν συζητίνεν ι ερώτηση:

• Σόσκε η ζορ σο τθερέλα ο Ιησούς τι κερέλ κουμάντος ισί πο οπρέ κατά τζενένγκι ζορ;

Ο κυβερνήσεις ι τζενένγκε αλλάνενα μπουτ φαρ ντα η κάθε εκ λένταρ κερέλα κουμάντος σάντε εκχέ τθεμέστε. Σο κα βακεράας ι Ντεβλέσκε Βασιλειάκε; Διαβάνεν Δανιήλ 7:14 ντα σοράν συζητίνεν ο ερωτήσεις:

• Σόσκε ισί λατσσό σο «να κα καταστραφίντιβελ» η Βασιλεία ι Ντεβλέσκι;

• Σόσκε ισί λατσσό σο κα κερέλ κουμάντος σαρί ι πφουβ;

5. Ο κυβερνήσεις ι τζενένγκε πρέπει τι νασέν

Σόσκε πρέπει τι νασκιαρέλ η Βασιλεία ι Ντεβλέσκι ο κυβερνήσεις ι τζενένγκε; Ντικχέν ο ΒΙΝΤΕΟΣ ντα σοράν συζητίνεν ι ερώτηση:

ΒΙΝΤΕΟΣ: Σο Ισί η Βασιλεία ι Ντεβλέσκι;​—Χουρντό Βίντεος (1:41)

• Καλά ισί ο αποτελέσματα κατά τζενένγκε κυβερνήσεις;

Διαβάνεν Εκκλησιαστής 8:9 ντα σοράν συζητίνεν ο ερωτήσεις:

• Τούι, πακιάσα ότι η Βασιλεία ι Ντεβλέσκι πρέπει τι νασκιαρέλ ο κυβερνήσεις ι τζενένγκε; Σόσκε βακερέσα-λες ανταβά;

6. Οντουλά σο κερένα κουμάντος κι Βασιλεία κι Ντεβλέσκι αγαβένα-αμέν

Επειδή αμαρό Βασιλιάς, ο Ιησούς, τζουβντιλό σαρ τζενό, μπορίνελα τι “αγαβέλ αμαρέ αδυναμίες”. (Εβραίους 4:15) Ο 144.000 πιστά μουρσά ντα τζουβλιά σο κα κυβερνίνεν γιεκ ι Ιησούσαρ, τραμπίντιλε κατά Ιεχωβά «σαρέ κατά φυλές ντα κατά τσσιμπά ντα κατά λαοί ντα κατά τθεμά».​—Αποκάλυψη 5:9.

• Λέσα ζορ σο ο Ιησούς ντα σαρέ οντουλά σο κερένα λέσαρ κουμάντος αγαβένα σαρ ισί τι αβές τζενό; Σόσκε βακερέσα-λες ανταβά;

7. Ο νόμοι ι Ντεβλέσκε Βασιλειάκε ισί ο πο λατσσέ

Ο κυβερνήσεις νικαβένα νόμους σο αμντίνενα ότι κα κερέν λατσσιπέ ντα κα αρακχαβέν ι τζενέν. Η Βασιλεία ι Ντεβλέσκι-ντα τθερέλα νόμους σο πρέπει τι ντεν-λεν καν ο τζενέ σο ισί τελάλ λάταρ. Διαβάνεν 1 Κορινθίους 6:9-11 ντα σοράν συζητίνεν ο ερωτήσεις:

• Σαρ αμντίνεσα ότι κα αβέλ ο ντουνιάς κάνα σαρέ ο τζενέ κα ντεν καν κο κανόνες κι Ντεβλέσκε;a

• Ισί τούκε λογικός σο ο Ιεχωβά μανγκέλα κατά τζενέ σο ισί τελάλ λέσκε Βασιλειάταρ τι σεβάνεν ανταλά κανόνες; Σόσκε βακερέσα-λες ανταβά;

• Σο σικαβέλα ότι μπορίνενα τι αλλάνεν ο τζενέ σο να ντένα καν ανταλά κανόνες;​—Ντικχέν ο εδάφιος 11.

ΧΑΝΙΚ ΛΑΦΙΝΤΖΑΡ

Η Βασιλεία ι Ντεβλέσκι ισί εκ πραγματική κυβέρνηση κο ουρανός σο κα κερέλ κουμάντος σαρί ι πφουβ.

Σο Σικλιλάν;

• Κον ισί οντουλά σο κερένα κουμάντος κι Βασιλεία κι Ντεβλέσκι;

• Σόσκε ι Ντεβλέσκι Βασιλεία ισί πο λατσσί σαρέ κατά τζενένγκε κυβερνήσεις;

• Σο μανγκέλα ο Ιεχωβά οντουλένταρ σο ισί τελάλ λέσκε Βασιλειάταρ;

ΡΟΝΤΕ

Ντικχ κατέ βακερντάς ο Ιησούς ότι ισί η Βασιλεία.

«Ισί η Βασιλεία ι Ντεβλέσκι Αντρέ Αμαρέ Γκίστε;» (Θέμας κο ιστότοπος)

Σόσκε ο Μάρτυρες ι Ιεχωβάσκε τσσουβένα ι αφοσίωση κι Βασιλεία κι Ντεβλέσκι πο οπρέ κατά αφοσίωση κο κυβερνήσεις κι τζενένγκε;

Αφοσιωμέ κι Βασιλεία κι Ντεβλέσκι (1:43)

Σίκλιουβ σο σικαβέλα η Γραφή για το 144.000 σο τραμπίνελα-λεν ο Ιεχωβά για τι κερέν κουμάντος γιεκ ι Ιησούσαρ.

«Κον Ισί Οντουλά σο Τζάνα κο Ουρανός;» (Θέμας κο ιστότοπος)

Σο κερντάς εκχέ τζουβλιά σο ισινέ κι φυλακή τι πακιάλ ότι σάντε ο Ντεβέλ μπορίνελα τι ανέλ δικαιοσύνη κο ντουνιάς;

«Αρακχλόμ ι Απάντηση κι Αδικία» (Ξύπνα!, Νοέμβριος 2011)

Η Βασιλεία ι Ντεβλέσκι αρχισάλι τι κερέλ κουμάντος κο ουρανός κο 1914. Από αζομάν αρχισάλε ο τελευταία ντιβεσά ι τζενένγκε κυβερνησιένγκε. Σαρ τζανάσα-λες ανταβά; Ντικχ ο προφητείες ι Γραφιάκε, οντουλά σο αβένα-πες κο ντουνιάς ντα σαρ ισί ο τζενέ κατά 1914 ντα σοράν.

1. Σο σικαβένα ο προφητείες ι Γραφιάκε;

Κι Αγία Γραφή, κι Δανιηλίσκο βιβλίος, ντικχάσα ότι η Βασιλεία ι Ντεβλέσκι κα αρχίνελας τι κυβερνίνελ κάνα κα μπιτίνενας ο «εφτά βακίτια». (Δανιήλ 4:16, 17) Σοράν μπουτέ μπρεσένταρ, ο Ιησούς-ντα κερντάς λάφι ανταλέσκε κάνα βακερντάς “ι τθεμένγκε βακιτίνγκε”, ντα σικαντάς ότι να μπιτισάλεας ατζέκ. (Λουκάς 21:24) Σαρ κα ντικχάς, ο εφτά βακίτια μπιτισάλε κο 1914.

2. Σο αβέλα-πες κο ντουνιάς ντα σαρ ισί ο τζενέ κατά 1914 ντα σοράν;

Ο μαθητές ι Ιησούσκε πουτσλέ-λες: «Καβά κα αβέλ ο σημείος σο κα σικαβέλ ότι αβιλάν ντα ότι ισί πασέ ο τέλος ανταλέ ντουνιάσκο;» (Ματθαίος 24:3) Ο Ιησούς βακερντάς λένγκε μπουτ πράγματα σο κα αβένας-πες από αζομάν σο κα αρχίνελας τι κυβερνίνελ κο ουρανός σαρ Βασιλιάς κι Βασιλεία κι Ντεβλέσκι. Μερικά ανταλένταρ ισί ο πόλεμοι, η μποκχ ντα ο σεισμοί. (Διαβάνεν Ματθαίος 24:7) Η Γραφή βακερντάς επίσης ότι, αντικάς σαρ κα αβένας ο τζενέ κο «τελευταία ντιβεσά», η ζωή κα αβέλας “δύσκολη ντα επικίνδυνη”. (2 Τιμόθεο 3:1-5) Ντικχάσα μπουτ λατσσές ότι κατά 1914 ντα σοράν αβένα-πες ανταλά πράγματα κο ντουνιάς, ντα αντικάς ισί μπαγιά ο τζενέ.

3. Σόσκε αβιλό ο ντουνιάς αζόμ μπέτι από αζομάν σο αρχισάλι τι κερέλ κουμάντος η Βασιλεία ι Ντεβλέσκι;

Κάνα ο Ιησούς αβιλό Βασιλιάς κι Βασιλεία κι Ντεβλέσκι, κερντάς πόλεμος κο ουρανός ι Μπενγκέσαρ ντα ι δαιμονέντζαρ. Ο Μπενγκ χασαρντάς κο πόλεμος οντουβά. Η Γραφή βακερέλα ότι «φουρτίντιλο κι πφουβ, ντα λέσκε άγγελοι φουρτίντιλε λέσαρ». (Αποκάλυψη 12:9, 10, 12) Ο Μπενγκ ισί μπουτ χολιαμέ σόσκε τζανέλα ότι κα καταστραφίντιβελ. Οτθάρ ανέλα μπαρί ντουκχ κο τζενέ σαρί κι πφουβ ντα τσσιντικιαρέλα-λεν μπουτ. Άκ’ σόσκε ισί αζόμ μπέτι ο πράγματα σαρό κο ντουνιάς! Η Βασιλεία ι Ντεβλέσκι κα νασκιαρέλ σαρέ ανταλά προβλήματα.

ΧΑΝΤΖΟΥΒ ΠΟ ΑΧΟΡΤ

4. Ο μπρεσά σο βακέρντιλε κι Γραφή νικαβένα-αμέν κο 1914

ΒΙΝΤΕΟΣ: Η Βασιλεία ι Ντεβλέσκι Αρχισάλι τι Κερέλ Κουμάντος κο 1914 (5:02)

Ο Ντεβέλ κερντάς τον Ναβουχοδονόσορα, ι βασιλιάς κι πουρανί Βαβυλώνα, τι ντικχέλ εκ σουνό. Η Γραφή κερέλα λάφι ανταλέ σουνέσκε ντα βακερέλα σαρ εξηγιντάς-λες ο Δανιήλ. Ντικχίντιβελα μπουτ λατσσές ότι ο σουνό τθερέλας τι κερέλ εμ με την κυβέρνηση του Ναβουχοδονόσορα εμ ι Ντεβλέσκε Βασιλειάσαρ.​—Διαβάνεν Δανιήλ 4:17.a

Διαβάνεν Δανιήλ 4:20-26 ντα σοράν, αντράλ κατά πίνακας, απάντινε κο ερωτήσεις:

• (Α) Σο ντικχλάς ο Ναβουχοδονόσορ ας πι σουνέστε;​—Ντικχέν ο εδάφια 20 ντα 21.

• (Β) Σο κα αβέλας-πες κο δέντρος;​—Ντικχέν ο εδάφιος 23.

• (Γ) Σο κα αβέλας-πες κάνα κα μπιτίνενας ο «εφτά βακίτια»;​—Ντικχέν ο εδάφιος 26.

Σαρ ο Σουνό ι Δεντρόσαρ Τθερέλα τι Κερέλ ι Ντεβλέσκε Βασιλειάσαρ

Η ΠΡΟΦΗΤΕΙΑ (Δανιήλ 4:20-36)

Κυβέρνηση

(Α) Εκ μπουτ μπαρό δέντρος

Τσσινάντιβελα η κυβέρνηση

(Β) «Τσσινέν ο δέντρος», ντα “τι νακχέν εφτά βακίτια”

Αρχίνελα πάλι η κυβέρνηση

(Γ) «Τι βασιλεία κα αβέλ πάλι τιρί»

Κι πρώτη φαρ σο νικίστιλι ανταγιά προφητεία  . . .

• (Δ) Κας σικαβέλας ο δέντρος;​—Ντικχέν ο εδάφιος 22.

• (Ε) Σαρ τσσινάντιλι ανταγιά κυβέρνηση​—Διαβάνεν Δανιήλ 4:29-33.

• (Ζ) Σο αβιλό-πες κο Ναβουχοδονόσορας κάνα μπιτισάλε ο «εφτά βακίτια»;​—Διαβάνεν Δανιήλ 4:34-36.

ΠΡΩΤΗ ΦΑΡ ΣΟ ΝΙΚΙΣΤΙΛΙ

Κυβέρνηση

(Δ) Ναβουχοδονόσορας, βασιλιάς ι Βαβυλωνάκο

Τσσινάντιβελα η κυβέρνηση

(Ε) Σοράν κατά 606 Π.Κ.Χ., ο Ναβουχοδονόσορας χασαρέλα πι γκοντί ντα ναστί κυβερνίνελα εφτά κανονικά μπρεσά

Αρχίνελα πάλι η κυβέρνηση

(Ζ) Ο Ναβουχοδονόσορας αβέλα λατσσές κι γκοντί ντα αρχίνελα πάλι τι κυβερνίνελ

Κι δεύτερη φαρ σο νικίστιλι ανταγιά προφητεία  . . .

• (Η) Καλέν σικαβέλας ο δέντρος;​—Διαβάνεν 1 Χρονικών 29:23.

• (Θ) Σαρ τσσινάντιλι λένγκι κυβέρνηση; Σαρ τζανάσα ότι βον να κυβερνίνενας κάνα ο Ιησούς ισινέ κι πφουβ;​—Διαβάνεν Λουκάς 21:24.

• (Ι) Κάνα ντα κάι αρχισάλι πάλι ανταγιά κυβέρνηση;

ΔΕΥΤΕΡΗ ΦΑΡ ΣΟ ΝΙΚΙΣΤΙΛΙ

Κυβέρνηση

(Η) Βασιλιάδες κο Ισραήλ σο σικαβένα ι κυβέρνηση ι Ντεβλέσκι

Τσσινάντιβελα η κυβέρνηση

(Θ) Η Ιερουσαλήμ καταστραφίντιβελα ντα καέκ βασιλιάς κο Ισραήλ να κυβερνίνελα για 2.520 μπρεσά

Αρχίνελα πάλι η κυβέρνηση

(Ι) Ο Ιησούς αρχίνελα τι κυβερνίνελ κο ουρανός σαρ Βασιλιάς κι Βασιλεία κι Ντεβλέσκι

5. Ο ντουνιάς αλλαξάλο κατά 1914

Ντικχέν ο ΒΙΝΤΕΟΣ.

ΒΙΝΤΕΟΣ: Ο Ντουνιάς Αλλαξάλο Κατά 1914 (1:10)

Ο Ιησούς βακερντάας σαρ κα αβέλας ο ντουνιάς από αζομάν σο κα αβέλας Βασιλιάς. Διαβάνεν Λουκάς 21:9-11 ντα σοράν συζητίνεν ι ερώτηση:

• Τούι, καλά πράγματα τθερέσα ντικχλό ή ασουντό τι αβέν-πες κο ντουνιάς;

Ο απόστολος Παύλος βακερντάς σαρ κα αβένας ο τζενέ καζόμ κα ερεσέλας ο τέλος ι τζενένγκε κυβερνησιένγκο. Διαβάνεν 2 Τιμόθεο 3:1-5 ντα σοράν συζητίνεν ι ερώτηση:

• Καλά ανταλένταρ τθερέσα ντικχλό κο τζενέ αντιβές;

6. Σίκαβ ότι πακιάσα ότι η Βασιλεία ι Ντεβλέσκι κερέλα κουμάντος ακανά

Διαβάνεν Ματθαίος 24:3, 14 ντα σοράν συζητίνεν ο ερωτήσεις:

• Καβά σημαντικός έργος σικαβέλα ότι η Βασιλεία ι Ντεβλέσκι κερέλα κουμάντος ακανά;

• Σαρ μπορίνεσα τι κερές τούι-ντα ανταβά έργος;

Η Βασιλεία ι Ντεβλέσκι κερέλα κουμάντος ακανά ντα ερεσέλα ο ντιβές σο κα κερέλ κουμάντος σαρί ι πφουβ. Διαβάνεν Εβραίους 10:24, 25 ντα σοράν συζητίνεν ι ερώτηση:

• Σο πρέπει τι κερέλ ο κάθε εκ αμένταρ “καζόμ ντικχάσα τι ερεσέλ ο ντιβές”;

ΧΑΝΙΚ ΛΑΦΙΝΤΖΑΡ

Ο προφητείες ι Γραφιάκε, ο μπρεσά σο βακέρντιλε κι Γραφή ντα οντουλά σο αβένα-πες κο ντουνιάς σικαβένα ότι η Βασιλεία ι Ντεβλέσκι κερέλα κουμάντος ακανά. Σικαβάσα ότι πακιάσα-λες ανταβά κάνα κεράσα λάφι λάκε ντα κάνα τζάσα κο συναθροίσεις.

Σο Σικλιλάν;

• Σο αβιλό-πες κάνα μπιτισάλε ο εφτά βακίτια σο βακέρντιλε κο βιβλίος κι Δανιηλίσκο;

• Σο κερέλα-τουτ τι πακιάς ότι η Βασιλεία ι Ντεβλέσκι αρχισάλι τι κερέλ κουμάντος κο 1914;

• Σαρ μπορίνεσα τι σικαβές ότι πακιάσα ότι η Βασιλεία ι Ντεβλέσκι κερέλα κουμάντος ακανά;

ΡΟΝΤΕ

Σίκλιουβ σο βακερένα ιστορικοί ντα γιαβερά ότι αλλαξάλο κο ντουνιάς κατά 1914 ντα σοράν.

«Κάνα ο Τζενέ Νασλέ Μπουτ Ντουρ Κατά Κανόνες ι Ντεβλέσκε» (Ξύπνα!, Απρίλιος 2007)

Διάβανε σαρ επηρεαντάς ι ζωή εκχέ τζενέσκι η προφητεία ι εδαφιόσκι Ματθαίος 24:14.

«Μανγκάβας ο Μπέιζμπολ πο Μπουτ Σαρέ Κατά Γιαβερά Πράγματα» (Η Σκοπιά, Αρ. 3 2017)

Σαρ τζανάσα ότι η προφητεία κο κεφάλαιος 4 κι Δανιηλίσκο τθερέλα τι κερέλ ι Ντεβλέσκε Βασιλειάσαρ;

«Κάνα Αρχισάλι τι Κερέλ Κουμάντος η Βασιλεία ι Ντεβλέσκι; (Μέρος 1)» (Η Σκοπιά 1 Οκτωβρίου 2014)

Σο σικαβέλα ότι ο «εφτά βακίτια» σο βακέρντιβενα κο κεφάλαιος 4 κι Δανιηλίσκο μπιτισάλε κο 1914;

«Κάνα Αρχισάλι τι Κερέλ Κουμάντος η Βασιλεία ι Ντεβλέσκι; (Μέρος 2)» (Η Σκοπιά 1 Νοεμβρίου 2014)

Η Βασιλεία ι Ντεβλέσκι κερέλα κουμάντος ακανά. Ατζεχάνικ κα ανέλ μπαρέ αλλαγές οπράλ κι πφουβ. Ακανά κα ντικχάς μερικά κατά σουκάρ πράγματα σο μπορίνεσα τι μπεκλεντίνες ότι κα κερέλ η Βασιλεία ι Ντεβλέσκι.

1. Σαρ κα ανέλ πάλι η Βασιλεία ι Ντεβλέσκι ειρήνη ντα δικαιοσύνη κι πφουβ;

Ο Ιησούς, ο Βασιλιάς ι Ντεβλέσκε Βασιλειάκο, κα καταστραφίνελ ι γκεραλέ τζενέν ντα λένγκε κυβερνήσεις κο Αρμαγεδδώνας. (Αποκάλυψη 16:14, 16) Οντουβά βακίτι, κα νικιόλ ντιπ οντουβά σο βακέρντιλο κι Αγία Γραφή: «Χάνικ ατζέ, ντα ο πφιρνέ να κα υπαρχίντιβεν». (Ψαλμός 37:10) Αντράλ κατά Βασιλεία, ο Ιησούς κα ανέλ ειρήνη ντα δικαιοσύνη σαρί κι πφουβ.​—Διαβάνεν Ησαΐας 11:4.

2. Σαρ κα αβέλ η ζωή κάνα κα αβέλ-πες οντουβά σο μανγκέλα ο Ντεβέλ κι πφουβ;

Κάνα κα κερέλ κουμάντος η Βασιλεία ι Ντεβλέσκι, «ο δίκαια τζενέ κα τθερέν πουμένγκε ι πφουβ ντα κα τζουβντιόν για πάντα λάτε». (Ψαλμός 37:29) Σκέφτινε τι τζουβντιός εκχέ ντουνιάστε σο κα αβέν σαρέ ο τζενέ δίκαιοι, κα μανγκέν ι Ιεχωβάς ντα ο εκ ι γιαβερές! Καέκ να κα νασφάλιβελ, ντα σαρέ κα τζουβντιόν για πάντα.

3. Σο κα κερέλ η Βασιλεία ι Ντεβλέσκι σοράν κατά καταστροφή ι γκεραλέ τζενένγκι;

Σοράν κατά καταστροφή ι γκεραλέ τζενένγκι, ο Ιησούς κα κερέλ κουμάντος για 1.000 μπρεσά. Οντουβά βακίτι, βοβ ντα ο 144.000 σο κα κερέν κουμάντος λέσαρ κα βοηθίνεν ι τζενέν κι πφουβ τι αβέν τέλειοι ντα τι νασέλ οπρά-λένταρ η αμαρτία. Μέχρι τι μπιτίνελ οντουβά βακίτι, η πφουβ κα αβέλ εκ μπουτ σουκάρ παράδεισος πφερντό τζενέντζαρ σο κα αβέν ευτυχισμέ επειδή κα ασουνέν ο νόμοι ι Ιεχωβάσκε. Σοράν, ο Ιησούς κα ντελ ι κυβέρνηση πάλι πι Νταντέστε, κο Ιεχωβά. Τελικά, ο ναβ ι Ιεχωβάσκο κα ατσσόλ πάκι για πάντα. (Ματθαίος 6:9, 10) Σαρέ κα τζανέν ότι ο Ιεχωβά ισί εκ λατσσό Κυβερνήτης σο πφαμπόλα πι λαόσκε. Σοράν ο Ιεχωβά κα καταστραφίνελ ι Μπενγκές, ι δαιμονέν ντα σαρέ οντουλέν σο τραμπίνενα τι τζαν κόντρα Λέσκε κυβερνησιάτε. (Αποκάλυψη 20:7-10) Η τέλεια ζωή σο κα τθεράς χάρη κι Βασιλεία κι Ντεβλέσκι κα ατσσόλ για πάντα.

ΧΑΝΤΖΟΥΒ ΠΟ ΑΧΟΡΤ

4. Η Βασιλεία ι Ντεβλέσκι κα τσσουβέλ τέλος κι τζενένγκε κυβερνήσεις

«Ο τζενέ ανένα προβλήματα κο γιαβερά επειδή κυβερνίνενα-λεν». (Εκκλησιαστής 8:9) Αντράλ πι Βασιλειάταρ, ο Ιεχωβά κα νασκιαρέλ ανταγιά αδικία.

Διαβάνεν Δανιήλ 2:44 ντα 2 Θεσσαλονικείς 1:6-8 ντα σοράν συζητίνεν ο ερωτήσεις:

• Σο κα κερέλ ο Ιεχωβά ντα λέσκο Τσσαβό, ο Ιησούς, κι τζενένγκε κυβερνήσεις ντα οντουλέντε σο τσσίντενα λένταρ;

• Ανταλένταρ σο σικλιλάν ι Ιεχωβάσκε ντα ι Ιησούσκε, σόσκε μπορίνεσα τι αβές σίγουρος ότι κα σικαβέν δικαιοσύνη;

5. Ο Ιησούς ισί ο πο λατσσό Βασιλιάς

Σαρ Βασιλιάς κι Βασιλεία κι Ντεβλέσκι, ο Ιησούς κα βοηθίνελ ι τζενέν κι πφουβ μπουτέ τροπόντζαρ. Ντικχέν ο ΒΙΝΤΕΟΣ σο βακερέλα σαρ ο Ιησούς σικαντάς ότι εμ μανγκέλα εμ τθερέλα ι ζορ κατά Ντεβέλ τι βοηθίνελ ι τζενέν.

ΒΙΝΤΕΟΣ: Ο Ιησούς Σικαντάς σο κα Κερέλ η Βασιλεία (1:13)

Ο πράγματα σο κερντάς ο Ιησούς κάνα ισινέ κι πφουβ, σικαντέ σο κα κερέλ η Βασιλεία. Καλά ευλογίες οντουλένταρ σο ισί πο τελέ μανγκέσα τι ντικχές σαρ σαρ; Διαβάνεν ο εδάφια σο κερένα λάφι ανταλέ ευλογιένγκε.

6. Η Βασιλεία ι Ντεβλέσκι κα ανέλ εκ μπουτ σουκάρ μέλλον

ΒΙΝΤΕΟΣ: Πουτάρντιβελα Ανγκλ’ αμέντε εκ Μπουτ Σουκάρ Ζωή (4:38)

Διαβάνεν Ψαλμός 145:16 ντα σοράν συζητίνεν ι ερώτηση:

• Σαρ νιωθίνεσα σο σικλιλάν ότι ο Ιεχωβά κα “τσαλιαρέλ ι επιθυμία σαρέ οντουλένγκι σο τζουβντιόνα”;

ΧΑΝΙΚ ΛΑΦΙΝΤΖΑΡ

Η Βασιλεία ι Ντεβλέσκι κα κερέλ οντουβά σο μανγκέλα ο Ντεβέλ. Κα κερέλ σαρί ι πφουβ εκ σουκάρ παράδεισος πφερντό λατσσέ τζενέντζαρ σο κα ντεν λατρεία ι Ιεχωβάς για πάντα.

Σο Σικλιλάν;

• Σαρ κα κερέλ η Βασιλεία ι Ντεβλέσκι τι αβέλ πάκι ο ναβ ι Ιεχωβάσκο;

• Σόσκε μπορίνασα τι πακιάς ότι η Βασιλεία ι Ντεβλέσκι κα κερέλ τι νικιόν μπαγιά ο λάφια ι Γραφιάκε;

• Σαρέ οντουλένταρ σο κα κερέλ η Βασιλεία, καβά μανγκέσα τούι τι ντικχές σαρ σαρ;

ΡΟΝΤΕ

Σίκλιουβ σο ισί ο Αρμαγεδδώνας.

«Σο Ισί ο Αρμαγεδδώνας;» (Θέμας κο ιστότοπος)

Τσσουβ σημασία ο πράγματα σο κα αβέν—πες κι «μπαρί στεναχώρια» σο ανταλέ βακιτίσκε κερντάς λάφι ο Ιησούς.—Ματθαίος 24:21.

«Σο Ισί η Μπαρί Στεναχώρια;» (Θέμας κο ιστότοπος)

Ντικχ σαρ μπορίνενα ο φαμιλιά τι σκεφτίνεν γιεκ ο ευλογίες σο κα ανέλ η Βασιλεία.

Τι Ντικχές το Νεαυτός κο Παράδεισος (1:50)

Κι ιστορία «Χάνας μι Γκοντί Μπουτ Ερωτήσεις», σίκλιουβ σαρ εκ τζενό σο τζάλας κόντρα κι εξουσία αρακχλάς ο λύσεις σο ρόντελας.

«Η Αγία Γραφή Αλλάνελα Ζωές» (Η Σκοπιά 1 Ιανουαρίου 2012)