Τζανένας-λες;

Σο αμαξάτε οπράλ ισινέ ο Αιθίοπας ευνούχος κάνα πλησιαντάς-λες ο Φίλιππος;

Ο ΠΟΥΡΑΝΟ μπαλαμανό λάφι ἅρμα, σο μεταφράντιβελα «άμαξα», μπορεί τι χρησιμοποιήντιβελα για διάφορες άμαξες. (Πράξ. 8:​28, 29, 38) Όμως, ντικχίντιβελα ότι ο Αιθίοπας ισινέ οπράλ εκχέ αμαξάτε σο ισινέ πο μπαρί κατά άμαξες σο χρησιμοποιήντιβενας κο τζένγκι ή κο αγώνες σο κερένας με το άμαξες. Ντικχέν μερικοί λόγοι σο γκερένα-αμέν κο συμπέρασμας ανταβά.

Ο Αιθίοπας ισινέ εκ αξιωματικός σο τθερέλας μπαρί θέση ντα κερντάας μπαρό ντρομ. Ισινέ εκ “μουρς σο τθερέλας μπαρί ζορ ντα ντέλας καν κι Κανδάκη, κι βασίλισσα κι Αιθιοπόνγκι ντα αρακχαβέλας σαρό λάκο χουλανιπέ”. (Πράξ. 8:​27) Η πουρανί Αιθιοπία αμαρέ ντιβεσέντε ισί ο Σουδάν ντα ο πο νότιος κομμάτι της Αιγύπτου. Παρόλο σο οντουβά τζενό μάλλον να κερντάς σαρό ο ντρομ με την ίδια άμαξα, πρέπει τι τθερέλας πέσαρ βαλίτσες ανταλέ μπαρέ ταξιδίσκε. Κάποιες κατά άμαξες σο χρησιμοποιήντιβενας κο πρώτος αιώνας Κ.Χ. για ταξίδια, ισινέ άμαξες με σταρ ρόδες σο τθερένας σκεπή οπράλ. «Εκ ασακί άμαξα κα τθερέλας πο μπουτ τθαν για βαλίτσες, κα κερέλας ο ταξίδι πο άνετος ντα μπέκιμ κάποιος κα μπορίνελας τι κερέλ πο μπουτ ντρομ», σαρ βακερέλα ο βιβλίος Πράξεις​—Ερμηνευτικό Σχολιολόγιο (Acts​—An Exegetical Commentary).

Ο Αιθίοπας διαβάνελας κάνα πλησιαντάς-λες ο Φίλιππος. Η Γραφή βακερέλα ότι «ο Φίλιππος τθαβντισάλο πασέ κι άμαξα ντα ασουντάς-λες τι διαβάνελ ζουρανές κατά προφήτης Ησαΐας». (Πράξ. 8:​30) Ο άμαξες σο χρησιμοποιήντιβενας για ταξίδια να ισινέ κερντέ τι τσσίντεν μπουτ. Επειδή τσσίντελας πφαρές, ανταβά ντινάς κο ευνούχος ι ευκαιρία τι διαβάνελ ντα κο Φίλιππος ι ευκαιρία τι ερεσαβέλ-λες πφιριντός.

Ο Αιθίοπας «βακερντάς ι Φιλιππόσκε τι νικλίλ ντα τι μπεσέλ λέσαρ». (Πράξ. 8:​31) Κο άμαξες σο χρησιμοποιήντιβενας συνήθως κο αγώνες, ο τζενέ ισινέ όρθιοι οπρά-λέντε. Αλλά σε εκ άμαξα σο χρησιμοποιήντιβελας για ταξίδια, ισινέ τθαν για τι μπεσέλ ο ευνούχος ντα ο Φίλιππος.

Σαρ βακερέλα ο κεφάλαιος 8 κο Πράξεις ντα σαρ σικαβένα ο ιστορικά στοιχεία σο τθεράσα αντιβές, αμαρέ έντυπα αρχισάλε τι σικαβέν φωτογραφίες με τον Αιθίοπα ευνούχο τι νικλίλ σε εκ άμαξα πο μπαρί από εκ χουρντί άμαξα σο χρησιμοποιήντιβελας κο τζένγκι ή κο αγώνες.