Σαρ Επηρεάντιβενα Σαρέ ο Τζενέ Κατά Πόλεμοι;
«Κο Δεύτερος Παγκόσμιος Πόλεμος αβένας-πες πόλεμοι σαρί κι πφουβ. Ακανά τζουβντιάσα εκχέ ασακέ βακιτίστε ντα 2 δισεκατομμύρια τζενέ, δηλαδή εκ κο σταρ τζενέ τζουβντιόνα περιοχιέντε σο οτθέ αβένα-πες πόλεμοι».
Αναπληρώτρια Γενική Γραμματέας κι Αμερική Αμίνα Τζ. Μοχάμεντ, 26 Ιανουαρίου 2023.
Πόλεμοι μπορεί τι αβέν-πες ξαφνικά ατζέ-ντα περιοχιέντε σο πριν υπαρχίντιβελας ειρήνη. Ατζέ-ντα τζενέ σο να μπεσένα περιοχιέντε σο αβένα-πες πόλεμοι, μπορεί τι επηρεάντιβεν λένταρ. Μάλιστα, ο μπέτι αποτελέσματα κατά πόλεμοι μπορεί τι ατσσόν για μπουτ καιρός. Ντικχέν χάνικ παραδείγματα:
Μποκχ. Σαρ βακερέλα ο Παγκόσμιος Πρόγραμμας Τροφίμων, «ο πόλεμος ισί ο βασικός λόγος σο υπαρχίντιβελα μποκχ επειδή ο 70 κατά 100 τζενέ σο να τθερένα τι χαν τζουβντιόνα περιοχιέντε σο υπαρχίντιβενα μπουτ πόλεμοι ντα βία».
Προβλήματα σωματικά ντα ψυχικά. Κάνα ντικχιόλα ότι μπορεί τι αβέλ-πες ξαφνικά πόλεμος εκχέ περιοχιάτε, ο τζενέ μπορεί τι νιωθίνεν μπουτ μπαρό άγχος ντα νταρ. Ο τζενέ σο τζουβντιόνα τθανέντε σο αβένα-πες πόλεμοι υπαρχίντιβελα κίνδυνος τι τθερέν σωματικά, αλλά εμ ψυχικά προβλήματα υγείας. Δυστυχώς όμως, μπουτ φαρ ναστί λένα ι ιατρική βοήθεια σο χρειαζίντιβενα.
Ο τζενέ μουκχένα πουμαρέ κχερά. Μέχρι κο Σεπτέμβριος του 2023, πο μπουτ από 114 εκατομμύρια τζενέ σαρό κο ντουνιάς έπρεπε τι μουκχέν πουμαρέ κχερά, σαρ βακερέλα η Ύπατη Αρμοστεία του ΟΗΕ ι τζενένγκε σο ισί Πρόσφυγες. Εκ βασικός λόγος σο αβέλα-πες ανταβά ισί ο πόλεμοι.
Οικονομικά προβλήματα. Ιτιρί κατά πόλεμοι, σαρέ ο πράγματα αβένα ατζέ πο πααλίς ντα οτθάρ ο τζενέ τθερένα οικονομικά προβλήματα. Ο τζενέ μπορεί τι νακχέν μπουτ δύσκολα όταν η κυβέρνηση χαλαβέλα μπουτ λοβέ για τι κερέλ πο ζουρανό ντα πο μπαρό πο στρατός. Οτθάρ, να τθερέλα λοβέ για τι κερέλ πο λατσσέ ο νοσοκομεία ντα ο σχολεία. Επίσης, σοράν κατά πόλεμος, για τι λατσσάρντιβεν ο ζημιές χρειαζίντιβενα μπουτ λοβέ.
Προβλήματα κο κλίμας. Ο τζενέ νακχένα μπουτ δύσκολα κάνα καταστραφίντιβενα επίτηδες ο πράγματα σο χρειαζίντιβενα για τι τζουβντιόν. Η μόλυνση κο πανί, κι μπαρμπάλ ντα κι πφουβ, μπορίνενα τι ανέν προβλήματα υγείας σο ατσσικιαρένα μπρεσά, ντα ο κίνδυνος από γκεραντέ νάρκες κι πφουβ συνεχίνελα τι υπαρχίντιβελ για μπουτ καιρός σοράν κατά πόλεμος.
Σίγουρα, ο πόλεμος ανέλα μπαρέ καταστροφές ντα μπαρέ ζημιές.