Μπεκλεντίνεν Σαρ Σαρ για την Πόλη σο κα Ατσσόλ

1. Σο βακερντάας ο Ιησούς ότι κα αβέλας-πες κι Ιερουσαλήμ;

ΧΑΝΙΚ ντιβεσά πριν τι μερέλ, ο Ιησούς Χριστός βακερντάς πι μαθητέντε εκ προφητεία. Ανταγιά προφητεία νικίστιλι μπαγιά για πρώτη φαρ κάνα η Ιερουσαλήμ ντα λάκο ναός καταστραφισάλε. Προειδοποιηντάς ότι η Ιερουσαλήμ εκ ντιβές κα “πφαντιόλας ντονταλάι στρατόντζαρ”. (Λουκ. 21:20) Ο Ιησούς βακερντάς πι μαθητέντε ότι κάνα κα ντικχένας οντουλέ στρατόν, έπρεπε τι νασέν κατά Ιουδαία αμέσως. Ι Ιησούσκε λάφια νικίστιλε μπαγιά. Ο στρατός ι Ρωμαιόνγκο πφαντάς ντονταλάι ι Ιερουσαλήμ.​—Λουκ. 21:21, 22.

2. Σο συμβουλή ντινάς ο απόστολος Παύλος κο Χριστιανοί σο μπεσένας κι Ιουδαία ντα κι Ιερουσαλήμ;

² Χάνικ μπρεσά πριν ο στρατός ι Ρωμαιόνγκο τι πφάντελ ντονταλάι ι Ιερουσαλήμ, ο απόστολος Παύλος γραφιντάς εκ γράμμας. Ανταβά γράμμας βακέρντιβελα ο γράμμας σο μπουτσσάντιλο κο Εβραίοι. Αντρέ ανταλέ γραμμάστε, ο Παύλος βακερντάς κο Χριστιανοί κι Ιουδαία ντα κι Ιερουσαλήμ σημαντικές συμβουλές σο κα βοηθίνενας-λεν τι προετοιμάντιβεν οντουλένγκε σο κα αβένας-πες. Ντα σο κα αβέλας-πες; Η Ιερουσαλήμ κα καταστραφίντιβελας. Άμα κα μανγκένας οντουλά Χριστιανοί τι σώντιβεν έπρεπε τι αβέν έτοιμοι τι μουκχέν πουμαρέ κχερά ντα πουμαρέ μπουτιά. Άρα ο Παύλος γραφιντάς για την Ιερουσαλήμ: «Να τθεράσα ατθέ εκ πόλη σο ατσσόλα». Ντα σοράν βακερντάς: «Αλλά μπεκλεντίνασα σαρ σαρ οντουλάκε σο κα αβέλ».​—Εβρ. 13:14.

3. Καγιά ισί η «πόλη σο τθερέλα πραγματικά θεμέλια», ντα σόσκε μπεκλεντίνασα λάκε;

³ Κάνα ο Χριστιανοί αποφασιντέ τι νασέν κατά Ιερουσαλήμ ντα κατά Ιουδαία, μπουτ τζενέ μπορεί τι βακερένας ότι ισινέ ντινιλέ ντα τι ασάνας πέσκε λέντζαρ. Όμως ανταγιά απόφαση σωντάς λένγκι ζωή. Αντιβές, ο γιαβερά μπορεί τι πρασάν-αμέν επειδή να ντάσα αμαρί μπέσα κο τζενέ ούτε μαράσα-αμέν για τι τθεράς εκ αρακχαντί ντα άνετη ζωή ανταλέ ντουνιάστε. Σόσκε όμως τραμπίνασα τι κεράς-λες ανταβά; Τζανάσα ότι ανταβά ντουνιάς ατζεχάνικ κα τελειώνελ. Συνεχίνασα τι μπεκλεντίνας ι Ντεβλέσκε Βασιλειάκε επειδή τζανάσα ότι ισί η «πόλη σο τθερέλα πραγματικά θεμέλια». (Εβρ. 11:10· Ματθ. 6:33) Κο κάθε υπότιτλος ανταλέ μαθημάσκο κα ντικχάς: (1) σαρ ο συμβουλές ι Παυλόσκε βοηθιντέ ι πρώτε Χριστιανόν τι συνεχίνεν τι μπεκλεντίνεν τι αβέλ η Βασιλεία ι Ντεβλέσκι, (2) σαρ ο Παύλος προετοιμαντάς-λεν οντουλένγκε σο κα αβένας-πες, ντα (3) σαρ λέσκε συμβουλές βοηθίνενα αμέν-ντα αντιβές.

ΤΙ ΝΤΑΣ ΜΠΕΣΑ ΚΟ ΙΕΧΩΒΑ ΕΠΕΙΔΗ ΠΟΤΕΣ ΝΑ ΚΑ ΠΑΡΑΤΙΝΕΛ-ΑΜΕΝ

4. Σόσκε η Ιερουσαλήμ ισινέ σημαντική ι Χριστιανόνγκε;

⁴ Η Ιερουσαλήμ ισινέ σημαντική ι Χριστιανόνγκε. Η πρώτη Χριστιανική κχανγκιρί κερντιλί κι πόλη ανταγιά κο μπρες 33 Σ.Κ.Χ. (σοράν κατά Χριστός). Επίσης ο πφραλά σο ισινέ κο κυβερνών σώμας μπεσένας οτθέ. Μπουτ Χριστιανοί τθερένας πουμαρό κχερ ντα μπουτ γιαβερά πράγματα κι πόλη ανταγιά. Όμως ο Ιησούς βακερντάας πι μαθητένγκε ότι έπρεπε τι νασέν κατά Ιερουσαλήμ ντα κατά Ιουδαία.​—Ματθ. 24:16.

5. Σαρ ο Παύλος ετοιμαντάς ι Χριστιανόν οντουλένγκε σο κα αβένας-πες;

⁵ Επειδή ο Παύλος μανγκέλας τι προετοιμάνελ ι Χριστιανόν για τι νασέν κατά Ιερουσαλήμ, βοηθιντάς-λεν τι αγαβέν πο λατσσές σαρ ντικχέλας ο Ιεχωβά οντιά πόλη. Ο Παύλος βακερντάς λένγκε ότι ο Ιεχωβά να δεχτίνελας πια τους ιερείς σο ισινέ κο ναός ή ο θυσίες σο αβένας-πες οτθέ. (Εβρ. 8:13) Ο πο μπουτ τζενέ σο μπεσένας κι Ιερουσαλήμ, να δεχτιντέας τον Μεσσία. Ο τζενέ να χρειαζίντιβελας τι τζαν κι Ιερουσαλήμ για τι ντεν λατρεία κο Ιεχωβά. Η Ιερουσαλήμ ντα ο ναός κα καταστραφίντιβενας.​—Λουκ. 13:34, 35.

6. Σόσκε ο Χριστιανοί χρειαζίντιβενας ι συμβουλή ι Παυλόσκι σο ισί κο Εβραίους 13:5, 6;

⁶ Αζομάν σο ο Παύλος γραφιντάς κο Εβραίοι, η ζωή κι Ιερουσαλήμ ισινέ μπουτ λατσσί. Εκ σπουδαγμέ Ρωμαίος γραφιντάς ότι οντουβά βακίτι η Ιερουσαλήμ ισινέ η πο σημαντική σαρέ κατά γιαβερά πόλεις σο ισινέ ντονταλάι λάταρ. Ιουδαίοι μπουτέ τθεμένταρ τζάνας οτθέ κάθε μπρες για τι κερέν ο γιορτές. Χαλαβένας μπουτ λοβέ κι πόλη οντιά. Χάρη ανταλέσταρ, κάποιοι Χριστιανοί μάλλον αβιλέ μπουτ χουλανέ. Ανταλέσκε μπορεί τι βακερντάς λένγκε ο Παύλος: «Ο τρόπος σο τζουβντιόνα τι σικαβέλ ότι να μανγκένα ο λοβέ ντα τι ερεσέν-τουμέν οντουλά σο τθερένα». Σοράν βακερντάς εκ εδάφιος κατά Εβραϊκές Γραφές σο πφερέλα-αμέν σιγουριά: «Ποτές να κα μουκχάβ-τουτ ντα ποτές να κα παρατίναβ-τουτ». (Διαβάνεν Εβραίους 13:5, 6· Δευτ. 31:6· Ψαλμ. 118:6) Ο Χριστιανοί σο τζουβντιόνας κι Ιερουσαλήμ ντα κι Ιουδαία τθερένας ανάγκη ανταλά λάφια. Σόσκε; Επειδή μερικά μπρεσά αφού λιντέ ο γράμμας, έπρεπε τι μουκχέν πουμαρό κχερ, πουμαρί μπουτί ντα ο πο μπουτ κατά πράγματα σο τθερένας. Σοράν, κα τθερένας γιαβερά-ντα δυσκολίες ανγκλά-πουμέντε.

7. Σόσκε πρέπει τι μπαριαράς αμαρί μπέσα κο Ιεχωβά ακανά;

⁷ Σο σικλιάσα: Σο κα αβέλ-πες ατζεχάνικ; Η «μπαρί στεναχώρια» κα αρχίνελ ντα ανταβά πφιρνό ντουνιάς κα καταστραφίντιβελ. (Ματθ. 24:21) Σαρ ο πρώτοι Χριστιανοί, αντικάς αμέν-ντα πρέπει τι ατσσάς τζανγκαντέ ντα τι αβάς έτοιμοι. (Λουκ. 21:34-36) Κι μπαρί στεναχώρια, μπορεί τι χρειαζίντιβελ τι μουκχάς μερικέ αμαρέ πραγματένταρ ή σαρέ αμαρέ πράγματα. Αζομάν κα χρειαζίντιβελ τι αβάς ντιπ σίγουροι ότι ο Ιεχωβά ποτές να κα παρατίνελ-αμέν. Ατζέ-ντα ακανά, πριν τι αρχίνελ η μπαρί στεναχώρια, τθεράσα ι ευκαιρία τι σικαβάς κατέ ντάσα αμαρί μπέσα. Πουτσέν τουμαρό νεαυτός: “Σικαβένα οντουλά σο κεράβα ντα μο στόχοι ότι ντάβα μι μπέσα, όχι κο χουλανιπέ, αλλά κο Ιεχωβά σο ντέλα πο λάφι ότι κα φροντίνελ-μαν;” (1 Τιμ. 6:17) Ο παράδειγμας ι πρώτε Χριστιανόνγκο κα βοηθίνελ-αμέν τι ατσσάς πιστοί κι «μπαρί στεναχώρια». Όμως, οντουλά σο κα τζουβντιάς κι «μπαρί στεναχώρια», κα αβέν μπουτ πο δύσκολα σαρέ οντουλένταρ σο μπορεί τι τζουβντιλό εκ Χριστιανός μέχρι ακανά. Άρα, σαρ κα τζανάς σο ακριβώς πρέπει τι κεράς κάνα κα αρχίνελ ανταγιά στεναχώρια;

ΤΙ ΝΤΑΣ ΚΑΝ ΟΝΤΟΥΛΕΝ ΣΟ ΟΔΗΓΙΝΕΝΑ-ΑΜΕΝ

8. Καλά οδηγίες ντινάς ο Ιησούς πι μαθητέντε;

⁸ Χάνικ μπρεσά αφού ο Εβραίοι λιντέ ο γράμμας ι Παυλόσκο, ο Χριστιανοί ντικχλέ ο στρατός ι Ρωμαιόνγκο τι πφάντελ ντονταλάι ι Ιερουσαλήμ. Κάνα αβιλό-πες ανταβά, ο Χριστιανοί τζανένας ότι αζομάν έπρεπε τι νασέν κατά Ιερουσαλήμ ντα κατά Ιουδαία. Χάνικ πο σοράν η Ιερουσαλήμ κα καταστραφίντιβελας. (Ματθ. 24:3· Λουκ. 21:20, 24) Αλλά κατέ έπρεπε τι τζαν; Ο Ιησούς βακερντάας σάντε: «Οντουλά σο ισί κι Ιουδαία τι νασέν κο βεσά». (Λουκ. 21:21) Υπαρχίντιβενας μπουτ βεσά ντονταλάι. Σαρ κα τζανένας βον καλέ βεσέντε έπρεπε τι τζαν;

9. Σόσκε μπορεί ο Χριστιανοί τι σκεφτίνενας καλέ βεσέντε τι τζαν; (Ντικχέν ο χάρτης-ντα)

⁹ Ντικχέν μερικά βεσά σο κα μπορίνενας τι τζαν ο Χριστιανοί. Για παράδειγμας κα μπορίνενας τι τζαν κο βεσά σο τθερέλας η Σαμάρεια, η Γαλιλαία, ο Λίβανος, ή κο βες Αερμών ή κο βεσά σο ισινέ κατά γιαβέρ μπάντα του Ιορδάνη. (Ντικχέν ο χάρτης) Ανταλέ βεσέντε υπαρχίντιβενας κάποιες πόλεις σο, σαρ βακερένας ο τζενέ, κα μπορίνελας κάποιος τι τζουβντιόλ οτθέ ντα τι αβέλας αρακχαντό. Φιρειπείν, η πόλη Γάμαλα ισινέ οπρέ οπρέ εκχέ βεσέστε ντα τθερέλας εκ ντρομ σο ισινέ δύσκολος τι πφιρντιόλ. Οτθάρ ισινέ μπουτ δύσκολος τι τζαλ κάποιος οτθέ. Μερικοί Ιουδαίοι πακιάνας ότι οντιά πόλη ισινέ εκ μπουτ λατσσό τθαν για τι αβέν αρακχαντέ. Όμως, ο Ρωμαίοι κερντέ επίθεση ντα καταστραφιντέ ανταγιά πόλη ντα μπουτ τζενέ σο τζουβντιόνας οτθέ μουλέ.a

10, 11. (α) Σαρ ντινάς μάλλον ο Ιεχωβά οδηγίες κο Χριστιανοί; (Εβραίους 13:7, 17) (β) Σαρ βοηθίντιλε ο Χριστιανοί επειδή ντινέ καν οντουλέντε σο οδηγίνενας-λεν; (Ντικχέν ι φωτογραφία-ντα)

¹⁰ Σαρ αγαβάσα, ο Ιεχωβά οδηγιντάς ι Χριστιανόν αντράλ οντουλένταρ σο οδηγίνενας ι κχανγκιρί. Εκ ιστορικός, ο Ευσέβιος γραφιντάς σοράν σαρέ οντουλένταρ σο αβιλέ-πες κι Ιερουσαλήμ: «Αντράλ κατά άγιος πνεύμας ο διορισμέ μουρσά λιντέ εκ οδηγία σο βακερντέ-λα κο τζενέ σο ισινέ κι κχανγκιρί της Ιερουσαλήμ. Βακερντέ λένγκε τι νασέν κατά Ιερουσαλήμ πριν τι αρχίνελ ο τζένγκιb ντα τι τζαν σε εκ πόλη κι Περαία σο βακέρντιβελας Πέλλα». Η Πέλλα ισινέ εκ λατσσό τθαν για τι τζαν ο Χριστιανοί. Να ισινέ αζόμ ντουρ κατά Ιερουσαλήμ. Οτθάρ να ισινέ μπουτ δύσκολος τι τζαν οτθέ. Επίσης, ο πο μπουτ τζενέ κι Πέλλα να ισινέ Ιουδαίοι, οτθάρ να χρειαζίντιβελας τι πολεμίνεν ι Ρωμαιόν.​—Ντικχέν ο χάρτης.

¹¹ Ο Χριστιανοί σο “ασουντέ οντουλέν σο οδηγίνενας” ι κχανγκιρί νασλέ κο βεσά κι Πέλλα. (Διαβάνεν Εβραίους 13:7, 17) Αντικάς, ο λαός ι Ιεχωβάσκο σωσάλο. Επειδή ντινέ μπέσα κι Βασιλεία κι Ντεβλέσκι, κι «πόλη σο τθερέλα πραγματικά θεμέλια», ο Ιεχωβά να παρατιντάς-λεν.​—Εβρ. 11:10.

12, 13. Σαρ οδηγιντάς ο Ιεχωβά πι λαός δύσκολε ντιβεσέντε;

¹² Σο σικλιάσα: Ο Ιεχωβά χρησιμοποιήνελα οντουλέν σο οδηγίνενα-αμέν για τι ντελ πι λαόστε συγκεκριμέ οδηγίες. Η Γραφή ισί πφερντί παραδειγματέντζαρ σο σικαβένα σαρ ο Ιεχωβά χρησιμοποιηντάς πιστέ μουρσέν για τι οδηγίνελ πι λαός δύσκολε ντιβεσέντε. (Δευτ. 31:23· Ψαλμ. 77:20) Αμέν-ντα αντιβές τθεράσα μπουτ αποδείξεις σο σικαβένα ότι ο Ιεχωβά συνεχίνελα τι χρησιμοποιήνελ οντουλέν σο οδηγίνενα-αμέν.

¹³ Για παράδειγμας, κάνα αρχισάλο ο Κορωνοϊός, “οντουλά σο οδηγίνενα-αμέν” ντινέ-αμέν ο οδηγίες σο χρειαζίντιβαας. Ανταλά πφραλά ντινέ οδηγίες κο πρεσβύτεροι. Ανταλά οδηγίες σικαβένας σαρ κα αβένας-πες ο συναθροίσεις ντα σαρ τι συνεχίνας τι ντας λατρεία κο Ιεχωβά. Χάνικ μασεκά αφού αρχισάλο ο Κορωνοϊός τθεράας εκ συνέλευση 500 τσσιμπέντε. Αμαρέ πφραλά ντα αμαρέ πφενιά μπορίνενας τι ντικχέν ανταγιά συνέλευση κατά Ίντερνετ ή κατά τηλεόραση ή τι ασουνέν-λα κατά ραδιόφωνος. Ασακί συνέλευση να αβιλίας-πες ποτές. Αντρέ κο Κορωνοϊός συνεχίναας τι λας ο οδηγίες σο χρειαζίντιβαας κατά Ιεχωβά. Αντικάς ατσσιλάμ ενωμέ. Ισινάμ σίγουροι ότι σο-ντα δοκιμασίες μπορεί τι αβέν αμένγκε κο μέλλον, ο Ιεχωβά κα συνεχίνελ τι βοηθίνελ οντουλέν σο οδηγίνενα-αμέν τι λεν γκοντιαβέρ αποφάσεις. Πρέπει τι αβάς έτοιμοι για τη μπαρί στεναχώρια ντα τι κεράς ο σωστός οντουλέ δύσκολε ντιβεσέντε. Για τι αβέλ-πες ανταβά, χρειαζίντιβελα τι ντας μπέσα κο Ιεχωβά ντα τι ντας καν οντουλέντε σο οδηγίνενα-αμέν. Καλά γιαβερά ιδιότητες χρειαζίντιβασα;

ΤΙ ΜΑΝΓΚΑΣ Ο ΕΚ Ι ΓΙΑΒΕΡΕΣ ΣΑΡ ΠΦΡΑΛΑ ΝΤΑ ΤΙ ΣΙΚΑΒΑΣ ΦΙΛΟΞΕΝΙΑ

14. Σαρ βακερένα ο εδάφια Εβραίους 13:1-3, καλά ιδιότητες χρειαζίντιλο τι σικαβέν ο Χριστιανοί πριν τι καταστραφίντιβελ η Ιερουσαλήμ;

¹⁴ Κάνα κα αρχίνελ η μπαρί στεναχώρια, κα χρειαζίντιβελ τι σικαβάς αγάπη ο εκ κο γιαβέρ τροπόντζαρ σο μέχρι ακανά να σικαντάμ ποτές. Αζομάν, κα χρειαζίντιβελ τι ακολουθίνας ο παράδειγμας οντουλέ Χριστιανόνγκο σο τζουβντιόνας κι Ιερουσαλήμ ντα κι Ιουδαία. Βον μανγκένας πάντα ο εκ ι γιαβερές. (Εβρ. 10:32-34) Όμως ο τελευταία μπρεσά πριν τι καταστραφίντιβελ η Ιερουσαλήμ, χρειαζίντιλο «τι μανγκέν ο εκ ι γιαβερές σαρ πφραλά» ντα «τι σικαβέν φιλοξενία» ατζέ πο μπουτ.c (Διαβάνεν Εβραίους 13:1-3) Ο ίδιος κα αβέλ αμέντζαρ-ντα καζόμ πλησιάνελα ο τέλος ανταλέ ντουνιάσκο.

15. Σόσκε ο Εβραίοι Χριστιανοί χρειαζίντιβελας τι σικαβέν φιλοξενία ντα τι μανγκέν ι γιαβερέν σαρ πφραλά κάνα νασλέ κατά Ιερουσαλήμ;

¹⁵ Ο στρατός ι Ρωμαιόνγκο πφαντάς ντονταλάι ι Ιερουσαλήμ. Όμως σοράν ξαφνικά νασλό κατά πόλη. Αντικάς ο Χριστιανοί μπορίνενας τι νασέν. Όμως έπρεπε τι λεν σάντε χάνικ πράγματα πουμέντζαρ. (Ματθ. 24:17, 18) Τθερένας ανάγκη ο γιεκ ι γιαβερές καζόμ τζάνας κο βεσά. Μπουτ κατά πφραλά ντα κατά πφενιά χρειαζίντιβενας χαμπέ, σέα ντα κάπου τι μπεσέν. Ο πφραλά φροντίνενας ο εκ ι γιαβερές ντα μοιράντιβενας οντουλά σο τθερένας. Αντικάς σικαβένας πουμαρί ζουρανί αγάπη ο εκ κο γιαβέρ ντα πουμαρί φιλοξενία.​—Τίτο 3:14.

16. Σαρ μπορίνασα τι σικαβάς αγάπη αμαρέ πφραλένγκε σο χρειαζίντιβενα αμαρί βοήθεια; (Ντικχέν ι φωτογραφία-ντα)

¹⁶ Σο σικλιάσα: Μανγκάσα αμαρέ πφραλέν ντα αμαρέ πφενίν. Οτθάρ ντάσα-λεν αμαρί βοήθεια κάνα χρειαζίντιβενα-λα. Για παράδειγμας, μπουτ πφραλά ντινέ χαράσαρ βοήθεια πουμαρέ πφραλέντε ντα πουμαρέ πφενίντε σο νασλέ πουμαρέ τθεμέσταρ επειδή τθερένας τζένγκι ή επειδή αβιλί εκ φυσική καταστροφή. Ντινέ ανταλέ πφραλέντε οντουλά σο χρειαζίντιβενας για τι τζουβντιόν ντα ντινέ-λεν ζορ για τι συνεχίνεν τι υπηρετίνεν ι Ιεχωβάς. Εκ πφεν κατά Ουκρανία σο νασλί πι κχερέσταρ ιτιρί κατά τζένγκι βακερντάς: «Ντικχλάμ σαρ ο Ιεχωβά χρησιμοποιηντάς αμαρέ πφραλέν για τι οδηγίνελ-αμέν ντα τι φροντίνελ-αμέν. Καλωσοριντέ-αμέν ντα βοηθιντέ-αμέν εμ κι Ουκρανία, εμ κι Ουγγαρία, εμ ακανά σο ισινάμ κι Γερμανία». Ο Ιεχωβά χρησιμοποιήνελα σαρ εργαλεία οντουλέν σο σικαβένα φιλοξενία πουμαρέ πφραλέντε ντα πουμαρέ πφενίντε ντα φροντίνενα λένγκε ανάγκες.​—Παρ. 19:17· 2 Κορ. 1:3, 4.

17. Σόσκε ισί σημαντικός τι σικαβάς φιλοξενία ντα τι μανγκάς ο εκ ι γιαβερές σαρ πφραλά ακανά;

¹⁷ Κι μπαρί στεναχώρια κα χρειαζίντιβελ τι βοηθίνας ο εκ ι γιαβερές πο μπουτ από ότι κεράσα ακανά. (Αββακ. 3:16-18) Ο Ιεχωβά σικλιαρέλα-αμέν ακανά τι σικαβάς φιλοξενία ντα τι μανγκάς ο εκ ι γιαβερές σαρ πφραλά. Ανταλά ιδιότητες κα χρειαζίντιβας-λεν μπουτ οντουλέ βακιτίστε.

ΣΟ ΚΑ ΑΒΕΛ-ΠΕΣ ΚΟ ΜΕΛΛΟΝ

18. Σαρ μπορίνασα τι μοιάζας κο Χριστιανοί σο νασλέ κατά Ιερουσαλήμ;

¹⁸ Ο Χριστιανοί σο ντινέ καν ντα νασλέ κο βεσά σωσάλε κάνα η Ιερουσαλήμ καταστραφισάλι. Παρατιντέ οντιά πόλη. Όμως ο Ιεχωβά ποτές να παρατιντάς-λεν. Σο μπορίνασα τι σικλιάς κατά παράδειγμας λένγκο; Να τζανάσα σαρέ ο πράγματα σο κα αβέν-πες κο μέλλον. Όμως ο Ιησούς βακερντάς αμένγκε τι αβάς έτοιμοι τι ντας καν. (Λουκ. 12:40) Επίσης μπορίνασα τι σκεφτίνας λατσσές ο συμβουλές σο γραφιντάς ο Παύλος κο Εβραίοι ντα τι κεράς-λεν. Ντα τθεράσα ι υπόσχεση ι Ιεχωβάσκι-ντα ότι ποτές να κα μουκχέλ-αμέν ντα να κα παρατίνελ-αμέν. (Εβρ. 13:5, 6) Τι συνεχίνας τι ντας μπέσα κι Βασιλεία κι Ντεβλέσκι, κι πόλη σο κα ατσσόλ, ντα ατζεχάνικ κα απολαμβάνας σουκάρ ευλογίες για πάντα.​—Ματθ. 25:34.