Σο κα Βοηθίνελ-τουμέν τι Διαβάνεν ι Γραφή Κάθε Ντιβές

Σαρέ τθεράσα τι κεράς μπουτ πράγματα, οτθάρ νανέ εύκολος τι διαβάνας ι Γραφή κάθε ντιβές. (Ιησ. Ναυή 1:8) Άμα δυσκολίντιβενα, κα μπορίνενας τι δοκιμάνεν ακαλά:

• Κερέν κάτι για τι ντεν-τουμέν γκοντί. Τσσουβέν τουμαρό κινητός τι μπασέλ εκ συγκεκριμέ σαάτι για τι ανέλ τουμαρέ γκοντιάτε τι διαβάνεν ι Γραφή.

• Τσσουβέν τουμαρί Γραφή οτθέ σο κα ντικχέν-λα εύκολα. Άμα διαβάνενα ι Γραφή κατά βιβλίος, τσσουβέν-λες κάπου σο κα ντικχέν-λες εύκολα κάθε ντιβές.​—Δευτ. 11:18.

• Ασουνέν ηχογραφήσεις. Ασουνέν-λεν καζόμ κερένα τουμαρέ μπουτιά. Η Τάρα, σο ισί σκαπάνισσα ντα ντάι ντα κερέλα μπουτί ιράτ, βακερέλα: «Κάνα ασουνάβα ι ηχογράφηση ι Γραφιάκι καζόμ κεράβα μπουτιά κχερέ, ανταβά βοηθίνελα-μαν μα τι χασαράβ μο πρόγραμμας για το διάβασμας ι Γραφιάκο».

• Μα μουκχέν-τουμέν. Άμα κάτι κα αλλάνελ ξαφνικά τουμαρό πρόγραμμας, διαβάνεν τουλάχιστον μερικά εδάφια κατά Γραφή πριν τι τζαν τι σοβέν. Ατζέ-ντα άμα κα διαβάνεν χάνικ εδάφια κάθε ντιβές, κα αρακχέν μπουτ λατσσιπέ.​—1 Πέτρ. 2:2.