ΣΙΚΛΙΠΕ 35

Σαρ τε Λες Λατσσέ Αποφάσεις

Σαρ σι Τυπωμένο

Σάορου σι λαζίμι τε λας αποφάσεις. Μερικές αποφάσεις μπέλκιμ τε επηρεασαρέν αμαρό τραϊπέ τα αμαρό αμαλιπέ ε Ιεχωβάσαρ. Για παράδειγμα, μπέλκιμ σι λαζίμι τε διαλεξαράς κάι κα μπεσάς, σαρ κα ικαλάς αμαρό μαρνό ή άμα κα οζονισάας. Κάνα λας λατσσέ αποφάσεις, αμαρό τραϊπέ σι σεβινμίσι τα κεράς ε Ιεχωβάς τε σεβινίρ.

1. Σαρ νταλίκ τε χρησιμοποιησαρές ι Αγία Γραφή για τε λες λατσσέ αποφάσεις;

Μπι τε λες εκ απόφαση, τε κερές προσευχή κάι ο Ιεχωβά για τε βοηθισαρέλ-τουτ τα τε ρόντες σα λατσσές κάι ι Γραφή για τε σικλός σαρ ντικχέλ ο Ιεχωβά ανταά ο θέμα. (Διαβασαρέν Παροιμίες 2:3-6) Σι σέα κάι ο Ιεχωβά ντελ-αμέν ξεκάθαρη εντολή. Κάνα κερντόλ ανταά, ο νταά λατσσό σι τε διαλεξαρές τε ασουνές κάι ι εντολή κάι ντελ ο Ιεχωβά.

Σο κερντόλ όμως άμα ινάι εκ ξεκάθαρη εντολή κάι ι Γραφή για τε πφενέλ τούκε σο τε κερές; Ο Ιεχωβά γκένε κα ινγκιαρέλ-τουτ «ε ντρομέστε κάι πρέπει τε πφιρές». (Ησαΐας 48:17) Σαρ κα κερέλ-λες ανταά; Μπέλκιμ σι αρχές κάι νταλίκ τε ντεν-τουτ καθοδηγία. Ε αρχές ε Γραφιάκε σι βασικά τσατσιμάτα κάι σικαέν σαρ ντουσουνούρ τα σαέ αισθήματα σι ε Ντεβλές. Μπουτ ντρομά σικλιάς ε αισθήματα κάι σι ε Ντεβλές εκχέ σεέσκε κάνα διαβασαράς εκ ιστορία κάι ι Γραφή. Άμα ακχιαράς σαέ αισθήματα σι ε Ιεχωβάς, νταλίκ τε λας αποφάσεις κάι κερέν-λες τε σεβινίρ.

2. Σαέ σέα σι λαζίμι τε ντουσουνούρσουν μπι τε λες εκ απόφαση;

Η Γραφή πφενέλ: «Ο μανούς κάι ντικχέλ ανγκλάλ ντουσουνούρ λατσσές πο κάθε βήμα». (Παροιμίες 14:15) Ανταά μανγκέλ τε πφενέλ ότι, μπι τε λας εκ απόφαση, ντας αμαρέ σαατόσταρ για τε ντουσουνούρους σο κα διαλεξαράς. Κάντικι ντουσουνούρσουν ι κάθε επιλογή, τε πουτσές-τουτ: “Σαέ αρχές ε Γραφιάκε σι κατάλληλες ανταλέ σεέσκε; Σαΐ απόφαση κα ανέλ ειρήνη με γκογκιάτε; Σαρ κα επηρεασαρέλ οκολέν μι απόφαση; Τα ο νταά σημαντικό, κα κερέλ ε Ιεχωβάσκο γκι τε σεβινίρ;”—Δευτερονόμιο 32:29.

Ε Ιεχωβάς σι ο δικαίωμα τε πφενέλ αμένγκε σο σι λατσσό τα σο ινάι. Κάνα σικλιάς λατσσές ε νόμους τα ε αρχές λέσκε τα σαμ αποφασισμένοι τε κεράς-λεν, σικλαράς αμαρί συνείδηση. Η συνείδηση, κάι σι αντρέ αντό αμαρό γκι, σικαέλ αμένγκε σαό σι ο σωστό τα σαό σι ο λάθος. (Ρωμαίους 2:14, 15) Κάνα σικλαράς αμαρί συνείδηση ανταά βοηθισαρέλ-αμέν τε λας λατσσέ αποφάσεις.

ΡΟΝΤΕ ΝΤΑΑ ΝΤΕΡΙΝΙ

Ντικ νταά ντερίνι σαρ ε αρχές ε Γραφιάκε τα αμαρί συνείδηση νταλίκ τε βοηθισαρέν-αμέν κάνα λας αποφάσεις.

3. Τε μεκές ι Γραφή τε σικαέλ τούκε σαρ τε πφιρές

Σαρ νταλίκ ε αρχές ε Γραφιάκε τε ινγκιαρέν-αμέν κάνα λας αποφάσεις; Ντικχέν ο ΒΙΝΤΕΟ τα σονά κονουσούρουν ε πουτσλιμάτα:

ΒΙΝΤΕΟ: Να Αφήνετε τις Γραφικές Αρχές να σας Καθοδηγούν (5:54)

Σαό μπουτ σουκάρ δώρο ντιάς-αμέν ο Ιεχωβά;
Σόσκε μεκλάς-αμέν ο Ιεχωβά τε διαλεξαράς κόρκορου σο κα κεράς αμαρέ τραϊμάστε;
Σο ντιάς-αμέν για τε βοηθισαρέλ-αμέν τε λας ε νταά λατσσέ αποφάσεις;

Άμα μανγκές τε ντικχές εκ αρχή ατάρ ι Γραφή, διαβασαρέν Εφεσίους 5:15, 16. Σονά, κονουσούρουν σαρ νταλίκ “τε χρησιμοποιησαρές κο σαάτο κάντικι νταά λατσσές κερντόλ” για . . .

τε διαβασαρές ι Γραφή τακτικά.
τε αβές νταά λατσσό ρομ ή ρομνί, ντατ ή ντέι, τσσαό ή τσσέι.
τε τζας κάι ε συναθροίσεις.

4. Τε σικλαρές κι συνείδηση για τε λες λατσσέ αποφάσεις

Κάνα σι εκ ξεκάθαρη εντολή κάι ι Γραφή εκχέ σεέσκε, μπέλκιμ τε αβέλ κολάι τε διαλεξαράς ο σωστό. Αμά σο κα κερντόλ κάνα ινάι εκ ξεκάθαρη εντολή; Ντικχέν ο ΒΙΝΤΕΟ τα σονά κονουσούρουν ο πουτσλιπέ:

ΒΙΝΤΕΟ: «Να Διατηρείτε Αγαθή Συνείδηση» (5:13)

Σαρ ντικχλάμ κάι ο βίντεο, σαέ βήματα κερντάς η πφεν για τε σικλαρέλ πι συνείδηση τα τε λελ εκ απόφαση κάι κα κερέλας ε Ιεχωβάσκο γκι;

Σόσκε ινάι λατσσό τε μανγκάς οκολένταρ τε λεν αποφάσεις κάι σι λαζίμι τε λας αμέν; Διαβασαρέν Εβραίους 5:14 τα σονά κονουσούρουν ε πουτσλιμάτα:

Παρόλο κάι μπέλκιμ τε αβέλ νταά κολάι τε μανγκάς οκολένταρ τε λεν αποφάσεις αμένγκε, σο σι λαζίμι τε ακχιαράς κόρκορου;
Σο σι-τουτ κάι νταλίκ τε βοηθισαρέλ-τουτ τε σικλαρές κι συνείδηση τα τε λες λατσσέ αποφάσεις;

Εκ τζενό ινγκιαρέλ εκ αραμπάα κάι ο ντρομ. Εκ GPS κάι σι κάι ο ταμπλό βοηθισαρέλ-λες τε ατσσέλ κάι ο σωστό ντρομ. — Αμαρί συνείδηση σι σαρ εκ χάρτης. Βοηθισαρέλ-αμέν τε διαλεξαράς σαό ντρομ κα λας αμαρέ τραϊμάστε

5. Τε σεάρσουν οκολένγκι συνείδηση

Ιν λεν σα ε μανουσά ε ίδιες αποφάσεις. Σαρ νταλίκ τε σεάρους οκολένγκι συνείδηση; Ντικ ντούι περιπτώσεις:

ΠΕΡΙΠΤΩΣΗ 1: Εκ πφεν κάι μπεενούρ τε μακχέλ-πες τζαλ εκχέ κχανγκιράτε αβερέ τθεμέστε κάι μπουτέ πφεένγκε αβέλ μπέτι κάνα ντικχέν τζουβλέν τε μακχέν-πες.

Διαβασαρέν Ρωμαίους 15:1 τα 1 Κορινθίους 10:23, 24 τα σονά κονουσούρουν ε πουτσλιμάτα:

Σαρ πφενέν ανταλά ε εδάφια, σαΐ απόφαση νταλίκ τε λελ η πφεν; Σο κα κερέσας του άμα σάνας εκχέ τζενέσαρ κάι λέσκι συνείδηση ιν μεκέλ-λες τε κερέλ κάτι κάι κιρί συνείδηση μεκέλ-τουτ;

ΠΕΡΙΠΤΩΣΗ 2: Εκ πφραλ τζανέλ ότι η Γραφή μεκέλ-αμέν τε πιάς μπι τε νακχαάς ε όρια, αμά βοβ διαλεξαρέλ τε να πιέλ ιτς. Τσινγκάρντεν-λες εκχέ παρεάτε κάι ντικχέλ πφραλέν τε πιέν.

Διαβασαρέν Εκκλησιαστής 7:16 τα Ρωμαίους 14:1, 10 τα σονά κονουσούρουν ε πουτσλιμάτα:

Σαρ πφενέν ανταλά ε εδάφια, σαΐ απόφαση νταλίκ τε λελ ο πφραλ; Σο κα κερέσας του άμα κα ντικχέσας εκχέ τζενές τε κερέλ κάτι κάι κιρί συνείδηση ιν μεκέλ-τουτ τε κερές-λες;

Σο τε κερές για τε λες λατσσέ αποφάσεις

1. Μανγκ βοήθεια ε Ιεχωβάσταρ για τε λες ι απόφαση σο κα κερές.—Ιακώβου 1:5.

Η ίδια τζουβλί ρόντελ κάι ι Γραφή, κάι αμαρέ έντυπα τα κάι ο λάπτοπ.

2. Τε κερές έρευνα κάι ι Γραφή τα κάι ε έντυπα για τε αρακχές ε κατάλληλες αρχές ανταλέ σεέσκε. Επίσης, νταλίκ τε ορμπισαρές γκογκιαέρ πφραλένσαρ.

3. Ντουσούν σαρ κα επηρεασαρέλ κι απόφαση εμ κιρί εμ οκολένγκι συνείδηση.

ΣΙ ΤΖΕΝΕ ΚΑΪ ΠΦΕΝΕΝ: «Σι-τουτ ο δικαίωμα τε κερές σο μανγκέσα. Να ασούν σο πφενέν οκολά ε μανουσά».

Σόσκε σι λαζίμι τε ντουσουνούρους ε αισθήματα ε Ντεβλέσκε τα οκολέ μανουσένγκε;

ΕΜΠΟΥΚΑ ΟΡΜΠΕΝΣΑΡ

Λας λατσσέ αποφάσεις κάνα σικλιάς ε Ιεχωβάσκε αισθήματα εκχέ σεέσκε τα σονά ντουσουνούρους άμα ανταά κάι κα κεράς κα βοηθισαρέλ οκολέν ή κα κερέλ λένγκε ζιάνο.