Σο Πφενέλ η Αγία Γραφή ε Οζονιμέ τα ε Μπιοζονιμέ Μανουσένγκε;

Εμπούκα τθεμέντε, ε μανουσά πακιάν ότι ιν κερντόλ εκ μανούς τε αβέλ σεβινμίσι άμα ιν οζονισάολ. Όμως, ινάι σα ε οζονιμέ μανουσά σεβινμίσι, ούτε σα ε μπιοζονιμέ μανουσά σουκουλμούσι. Σαρ πφενέλ η Γραφή, είτε τε οζονισάολ εκ τζενό είτε τε να οζονισάολ, ε ντούι-ντα σι δώρα.

1. Σαέ λατσσιμάτα ντικχέλ εκ τζενό κάι σι μπιοζονιμέ;

Η Γραφή πφενέλ: «Κον οζονισάολ κερέλ λατσσές, αμά κον ιν οζονισάολ κα κερέλ νταά λατσσές». (Διαβασαρέν 1 Κορινθίους 7:32, 33, 38) Σο μανγκέλ τε πφενέλ ότι εκ τζενό “κερέλ νταά λατσσές” κάι ιν οζονισάολ; Ε Χριστιανοί κάι σι μπιοζονιμέ ιν χρειασάολ τε ντουσουνούρουν ε ανάγκες πε ρομνάκε ή πε ρομέσκε. Οντάν, σι νταά ελεύθεροι. Για παράδειγμα, νταλίκ τε κερέν νταά μπουτ ε Ιεχωβάσκε, σαρ σι τε τζαν εκχέ αβερέ τθεμέστε για τε πφενέν ε λατσσέ αμπέρα. Αμά, ο νταά σημαντικό σι ότι νταλίκ τε ντεν νταά μπουτ πε σαατόσταρ για τε ζουραρέν πο αμαλιπέ ε Ιεχωβάσαρ.

2. Σαέ λατσσιμάτα ντικχέλ εκ τζενό κάι σι νόμιμα οζονιμέ;

Σαρ ε μπιοζονιμέ, καντιάλ ε οζονιμέ τζενέν-ντα, σι-λεν λατσσιμάτα. Η Γραφή πφενέλ «νταά λατσσές τε σι ντούι παρά εκ». (Εκκλησιαστής 4:9) Ανταά σι ιδιαίτερα ε Χριστιανόνγκε κάι κερέν ε αρχές ε Γραφιάκε πε αμπιαβέστε. Ε τζενέ κάι οζονισάον νόμιμα ντεν πι όρμπα τε μανγκέν, τε σεάρουν τα τε κορλάρουν ο εκ οκολές. Οντάν, αβέλ-λένγκε ότι σι νταά κορλαμέ οντολέ τζενένταρ κάι απλώς μπεσέν μπαραμπέρι. Επίσης, κάνα σι νόμιμα οζονιμέ, λένγκε τσσαέ-ντα κα αβέν νταά κορλαμέ.

3. Σαρ ντικχέλ ο Ιεχωβά ο αμπιάβ;

Κάνα ο Ιεχωβά κερντάς ο πρώτο αμπιάβ, πφεντάς: «Ο μανούς κα μεκέλ πε νταντές τα πε ντεά τα κα ατσσέλ πασά πι ρομνί». (Γένεση 2:24) Ο Ιεχωβά μανγκέλ ο ρομ τα η ρομνί τε μανγκέν ο εκ οκολές τα τε ατσσέν μπαραμπέρι για πάντα. Μεκέλ ο διαζύγιο σάντε άμα ο εκ ε ντουένταρ πφιραέλ-πες αβερέ τζενέσαρ. Όζομαν, ο Ιεχωβά ντελ ο δικαίωμα οντολέστε κάι ιν κερντάς λουμπνιπέ τε διαλεξαρέλ άμα κα λελ διαζύγιο.a (Ματθαίος 19:9) Ο Ιεχωβά πφενέλ ότι ε Χριστιανοί πρέπει τε σι οζονιμέ εκχέ τζενέσαρ. Ιν κερντόλ τε σι-λεν νταά μπουτέ ρομέν ή ρομνέν.​—1 Τιμόθεο 3:2.

ΡΟΝΤΕ ΝΤΑΑ ΝΤΕΡΙΝΙ

4. Τε χρησιμοποιησαρές λατσσές ο δώρο κάι σι-τουτ τε αβές μπιοζονιμέ τζενό

Ο Ιησού πακιάλας ότι σι δώρο τε αβέλ μπιοζονιμέ εκ τζενό. (Ματθαίος 19:11, 12) Διαβασαρέν Ματθαίος 4:23 τα σονά κονουσούρουν ο πουτσλιπέ:

• Σαρ χρησιμοποιησαρέλας ο Ιησού ο δώρο κάι σας-λες τε αβέλ μπιοζονιμέ τζενό, για τε υπηρετισαρέλ πε Νταντές τα τε βοηθισαρέλ οκολέν;

Ε μπιοζονιμέ Χριστιανοί σεβινίρουν μπουτ κάνα χρησιμοποιησαρέν πο τραϊπέ καντιάλ σαρ ο Ιησού. Ντικχέν ο ΒΙΝΤΕΟ τα σονά κονουσούρουν ο πουτσλιπέ:

ΒΙΝΤΕΟ: Πιστά Ανύπαντρα Άτομα (3:11)

• Με σαέ λατσσέ τρόπους νταλίκ τε χρησιμοποιησαρέν ε Χριστιανοί ο δώρο τε αβέν μπιοζονιμέ;

Τζανέσας-λες;

Η Γραφή ιν πφενέλ κάντικι μπρεσένγκο σι λαζίμι τε αβέλ εκ τζενό για τε οζονισάολ. Αμά, πφενέλ ε τερνένγκε τε να οζονισάον “μπουτ τερνέ”, ζερέμ όζομαν ε σεξουαλικές επιθυμίες σι νταά ζουραλέ τα μπέλκιμ τε κερένας εκχέ τερνές τε να λελ γκογκιαέρ αποφάσεις.​—1 Κορινθίους 7:36.

5. Διαλεξάρ γκογκιαεριμάσαρ ε ρομνά ή ε ρομές κάι κα λες

Εκ ατάρ ε νταά σημαντικές αποφάσεις κάι κα λες σι τε διαλεξαρές κάσαρ κα οζονισάος. Διαβασαρέν Ματθαίος 19:4-6, 9 τα σονά κονουσούρουν ο πουτσλιπέ:

• Σόσκε δεν πρέπει εκ Χριστιανός τε σιγκιαρέλ τε οζονισάολ;

Η Γραφή νταλίκ τε σικαέλ τούκε σαέ ιδιότητες κερέν εκχέ τζενές λατσσό ρομ ή ρομνί. Ο νταά σημαντικό σι τε μανγκέλ ε Ιεχωβάς.b Διαβασαρέν 1 Κορινθίους 7:39 τα 2 Κορινθίους 6:14. Σονά κονουσούρουν ε πουτσλιμάτα:

• Σόσκε σι λαζίμι τε οζονισάας σάντε εκχέ τζενέσαρ κάι σι-λες ο ίδιο πακιαϊπέ αμένσαρ;

• Σαρ πακιάς του ότι κα αβέλας ε Ιεχωβάσκε άμα κα οζονισάασας εκχέ τζενέσαρ κάι ιν μανγκέλ-Λες;

6. Τε ντικχές ο αμπιάβ σαρ ντικχέλ-λες ο Ιεχωβά

Κάι ο πουρανό Ισραήλ, σας μρουσά κάι λένας διαζύγιο πε ρομνάταρ ζερέμ ντικχένας πο συμφέρον. Διαβασαρέν Μαλαχίας 2:13, 14, 16 τα σονά κονουσούρουν ο πουτσλιπέ:

• Σόσκε ιρινίρ ο Ιεχωβά ατάρ ο άδικο διαζύγιο;

Ντικχέν ο ΒΙΝΤΕΟ τα σονά κονουσούρουν ο πουτσλιπέ:

ΒΙΝΤΕΟ: Γάμος​—Ένας Μόνιμος Δεσμός (4:30)

• Άμα σαν οζονιμέ εκχέ τζενέσαρ κάι ιν μανγκέλ ε Ιεχωβάς, σο νταλίκ τε κερές για τε αβέλ κο αμπιάβ σεβινμίσι;

7. Τε κερές ε κανόνες κάι σι ε Ιεχωβάς ε αμπιαβέσκε

ΒΙΝΤΕΟ: Μπορείτε να Ανταποκριθείτε στους Κανόνες του Ιεχωβά για τον Γάμο (4:14)

Διαβασαρέν Εβραίους 13:4 τα σονά κονουσούρουν ε πουτσλιμάτα:

• Πακιάς ότι ε κανόνες κάι σι ε Ιεχωβάς ε αμπιαβέσκε σι λογικοί ή άερ; Σόσκε;

Ο Ιεχωβά μανγκέλ ατάρ ε Χριστιανούς κάνα οζονισάον ή χωρισάον τε κερέν-λες καντιάλ σαρ πφενέλ ο κράτος. Διαβασαρέν Τίτο 3:1 τα σονά κονουσούρουν ο πουτσλιπέ:

• Άμα σαν οζονιμέ, σαν σίγουρος ότι κο αμπιάβ σι νόμιμο κάι ο κράτος;

ΕΜΠΟΥΚΑ ΟΡΜΠΕΝΣΑΡ

Είτε σι οζονιμέ εκ τζενό είτε άερ, ανταά σι δώρο ε Ιεχωβάσταρ. Ε ντούι-ντα καταστάσεις, νταλίκ τε ντεν χαρά τα τε πφερέν ο γκι ε μανουσέσκο, άμα ο τζενό κερέλ βίρα ανταά κάι μανγκέλ ο Ιεχωβά.

Σο Σικλιλάν;

• Σαρ νταλίκ εκ τζενό τε χρησιμοποιησαρέλ με το νταά λατσσό τρόπο ε μπρεσά κάι σι μπιοζονιμέ;

• Σόσκε πφενέλ η Γραφή τε οζονισάας σάντε εκχέ τζενέσαρ κάι σι-λες ο ίδιο πακιαϊπέ αμένσαρ;

• Κάνα σάντε μεκέλ η Γραφή εκχέ τζενές τε λελ διαζύγιο;

ΚΕΡ ΕΡΕΥΝΑ

Σο μανγκέλ τε πφενέλ τε οζονισάας «σάντε εκχέσαρ κάι ακολουθισαρέλ ε Κυριός»;

«Ερωτήσεις από Αναγνώστες» (Η Σκοπιά 1 Ιουλίου 2004)

Ντικ ντούι σικνέ βίντεο κάι νταλίκ τε βοηθισαρέν-τουτ τε λες λατσσέ αποφάσεις κάι ο ραντεβού, κάι ι γνωριμία τα ε αμπιαβέστε.

Προετοιμασία για τον Γάμο (11:53)

Σικλό σόσκε πακιάλ εκ πφραλ ότι ανταλά κάι ντιάς-λες ο Ιεχωβά σι νταά σημαντικά ανταλένταρ κάι μεκλάς παλάλ.

Έλπιζα ότι θα Γνωρίσει και Εκείνη την Αλήθεια (1:56)

Σαέ σι εμπούκα σέα κάι σι λαζίμι τε ντουσουνούρ εκ τζενό μπι τε λελ διαζύγιο ή μπι τε χωρισάολ;

«Να Τιμάτε “Αυτό που ο Θεός Συνέζευξε”» (Η Σκοπιά, Δεκέμβριος 2018)