ΣΙΚΛΙΠΕ 56
Τε Ασταρές ι Ενότητα κάι ι Κχανγκιρί
Κάνα σαμ μπαραμπέρι αμαρέ πφραλένσαρ, σι-αμέν αισθήματα σαρ ανταλέν κάι σας ε τθαγκαρές Δαβίδ: «Κάντικι λατσσό τα σουκάρ σι τε τραϊσαρέν ε πφραλά μπαραμπέρι με ενότητα!» (Ψαλμός 133:1) Αμαρί ενότητα ινάι τυχαία. Ερ κις αμένταρ κερέλ κάτι για τε ασταράς-λα.
1. Σαό σουκαριπέ σι ε Ντεβλέσκε περές;
Άμα κα τζας σε εκ συνάθροιση εκχέ αβερέ τθεμέστε, παρόλο κάι μπέλκιμ τε να ακχιαρές ι τσσιπ, κα αβέλ-τούκε σουκάρ τα ότι μανγκέν-τουτ. Σόσκε; Ζερέμ διαβασαράς ι Αγία Γραφή τα χρησιμοποιησαράς παντού ε ίδια έντυπα τα βίντεο. Τα κεράς μπαρί προσπάθεια τε σικαάς αγάπη ο εκ οκολέστε. Κάι-ντα τε τραϊσαράς, σάορου “χρησιμοποιησαράς σεαριμάσαρ ο αλάβ ε Ιεχωβάσκο τα υπηρετισαράς-λες σάορου μπαραμπέρι”.—Σοφονίας 3:9.
2. Σο νταλίκ τε κερές για τε ανές τα τε ασταρές ι ενότητα;
«Τε μανγκέν μπουτ ο εκ οκολές αντράλ τουμαρέ γκιόσταρ». (1 Πέτρου 1:22) Σαρ νταλίκ τε κερές ανταϊά ι συμβουλή; Αντί τε ντες σημασία κάι οκολένγκε ατέλειες, κερ προσπάθεια τε ντενέρσουν λένγκε λατσσέ ιδιότητες. Αντί τε κερές παρέα σάντε τζενένσαρ κάι μπεενούρουν ε ίδια σέα τούσαρ, κερ προσπάθεια τε πριντζανές πφραλέν τα πφεέν κάι σι διαφορετικοί τούταρ. Νταλίκ επίσης τε προσπαθισαράς μπουτ τε ικαλάς αντάρ αμαρό γκι σαΐ-ντα μπέτι άποψη μπέλκιμ σι-αμέν οκολένγκε.—Διαβασαρέν 1 Πέτρου 2:17.a
3. Σο κα κερές άμα σι-τουτ εκ διαφωνία εκχέ αβερέ πφραλέσαρ;
Σαμ ενωμένοι, αμά σαμ μπεζεχαλέ-ντα. Μπάζι ντρομά, ανάς σουκουλμάα ή ντουκ ο εκ οκολέστε. Οντάν, η Όρμπα ε Ντεβλέσκι πφενέλ αμένγκε “τε συγχωρισαράς ο εκ οκολές”, τα νταά σονά πφενέλ: “Σαρ ο Ιεχωβά συγχωρισαρντάς-τουμέν αντράλ ατάρ πο γκι, καντιάλ τε κερέν τουμέν-ντα”. (Διαβασαρέν Κολοσσαείς 3:13) Ντουκχαντάμ ο γκι ε Ιεχωβάσκο μπουτ ντρομά, αμά βοβ συγχωρισαρντάς-αμέν. Καντιάλ ασουκιαρέλ αμένταρ-ντα τε συγχωρισαράς αμαρέ πφραλέν. Άμα ακχιαρντάν ότι πφαγκλάν ο γκι εκχέ τζενέσκο, τζα πρώτα του λέστε για τε ανές ι λύση κάι ο πρόβλημα.—Διαβασαρέν Ματθαίος 5:23, 24.b
ΡΟΝΤΕ ΝΤΑΑ ΝΤΕΡΙΝΙ
Ντικ σο νταλίκ τε κερές για τε ατσσόλ η ενότητα τα η ειρήνη κάι ι κχανγκιρί.
Σαρ νταλίκ τε κερές ειρήνη;
4. Τε νασαλές ε μπέτι απόψεις κάι μπέλκιμ σι-τουτ οκολένγκε
Σι λαζίμι τε μανγκάς σα αμαρέ πφραλέν. Αμά μπέλκιμ τε αβέλ αμένγκε μπουτ ζόρι κάνα εκ τζενό σικάντολ ότι σι διαφορετικός αμένταρ. Σο νταλίκ τε βοηθισαρέλ-αμέν; Διαβασαρέν Πράξεις 10:34, 35 τα σονά κονουσούρουν ε πουτσλιμάτα:
Ο Ιεχωβά μανγκέλ τε κερντόν λέσκε Μάρτυρες κάθε είδους μανουσά. Σαρ σι λαζίμι ανταά τε επηρεασαρέλ κι άποψη ε μανουσένγκε κάι σι διαφορετικοί τούταρ;
Σαέ λάθος απόψεις οκολένγκε σι ε μανουσέν οτθέ κάι μπεσές τα σι λαζίμι τε ικαλές-λεν κε γκογκιάταρ;
Διαβασαρέν 2 Κορινθίους 6:11-13 τα σονά κονουσούρουν ο πουτσλιπέ:
Σαρ πακιάς ότι νταλίκ τε αβές νταά πασέ ε πφραλένσαρ τα ε πφεένσαρ κάι σι διαφορετικοί τούταρ;
5. Τε συγχωρισαρές αντράλ κε γκιόσταρ τα τε κερές ειρήνη
Ο Ιεχωβά συγχωρισαρέλ-αμέν αντράλ πε γκιόσταρ παρόλο κάι αμέν να κα χρειασάολ ιτς τε συγχωρισαράς-λες. Διαβασαρέν Ψαλμός 86:5 τα σονά κονουσούρουν ε πουτσλιμάτα:
Κάντικι μπαρί σι η συγχωρητικότητα ε Ιεχωβάσκι;
Σόσκε σεάρσουν μπουτ κάι ο Ιεχωβά συγχωρισαρέλ-αμέν;
Σαέ καταστάσεις μπέλκιμ τε ζορισαρέν-αμέν τε ατσσάς ενωμένοι;
Σαρ νταλίκ τε μπεντζέρους κάι ο Ιεχωβά τα τε ατσσάς ενωμένοι αμαρέ πφραλένσαρ τα πφεένσαρ; Διαβασαρέν Παροιμίες 19:11 τα σονά κονουσούρουν ο πουτσλιπέ:
Κάνα εκ τζενό κερέλ κάτι κάι σι ενοχλητικό ή προσβλητικό τούκε, σο νταλίκ τε κερές για τε λατσσαρές ε σέα;
Σι ντρομά κάι κεράς κάτι κάι σι προσβλητικό οκολένγκε. Κάνα κερντόλ ανταά, σο σι λαζίμι τε κεράς; Ντικχέν ο ΒΙΝΤΕΟ τα σονά κονουσούρουν ε πουτσλιμάτα:
Σαρ ντικχλάμ κάι ο βίντεο, σο κερντάς η πφεν για τε ανέλ ειρήνη;
6. Τε κερές προσπάθεια για τε ντικχές ε λατσσέ σέα κε πφραλέντε τα κε πφεέντε
Κάνα πριντζανάς νταά λατσσές αμαρέ πφραλέν τα πφεέν, ντικχάς εμ ε λατσσέ ιδιότητες κάι σι-λεν αμά εμ λένγκε αδυναμίες. Σαρ νταλίκ τε ντικχάς νταά μπουτ λένγκε λατσσέ ιδιότητες; Ντικχέν ο ΒΙΝΤΕΟ τα σονά κονουσούρουν ε πουτσλιμάτα:
Σο κα βοηθισαρέλ-τουτ τε ντικχές ε λατσσέ ιδιότητες κε πφραλένγκε;
Ο Ιεχωβά ντικχέλ αμαρέ λατσσέ ιδιότητες. Διαβασαρέν 2 Χρονικών 16:9α τα σονά κονουσούρουν ο πουτσλιπέ:
Σαρ αβέλ-τούκε κάι τζανές ότι ο Ιεχωβά ντικχέλ ε λατσσέ ιδιότητες;
Τζι εκ μπουτ σουκάρ διαμάντι-ντα σι-λες ατέλειες, αμά ιν χασαρέλ πι αξία. Καντιάλ-ντα, σα αμαρέ πφραλά τα πφεά σι μπεζεχαλέ, αμά σι-λεν αξία ε Ιεχωβάσκε
ΣΙ ΤΖΕΝΕ ΚΑΪ ΠΦΕΝΕΝ: «Μπι τε νταβ μι συγχώρηση εκχέ τζενέστε, σι λαζίμι τε σικαέλ μάνγκε ότι σι άξιος τε λελ-λα».
Σόσκε σι λαζίμι τε σαμ έτοιμοι τε συγχωρισαράς οκολέν;
ΕΜΠΟΥΚΑ ΟΡΜΠΕΝΣΑΡ
Νταλίκ τε ασταρές ι ενότητα κάι ι κχανγκιρί κάνα συγχωρισαρές οκολέν τα κάνα σικαές ότι μανγκές σα κε πφραλέν τα κε πφεέν.
Σο Σικλιλάν;
Σαρ κα μεκές ε μπέτι απόψεις κάι μπέλκιμ σι-τουτ οκολένγκε;
Σο κα κερές άμα σι-τουτ εκ διαφωνία εκχέ αβερέ πφραλέσαρ;
Σόσκε σι λαζίμι τε συγχωρισαρές οκολέν σαρ κερέλ ο Ιεχωβά;
ΚΕΡ ΕΡΕΥΝΑ
Σικλό σαρ βοηθισαρέλ-αμέν εκ παράδειγμα κάι πφεντάς ο Ιησού τε να αβάς επικριτικοί οκολένσαρ.
Σι λαζίμι τε πφενάς συγνώμη άμα πακιάς ότι ινάι αμέντε η ντος;
«Συγνώμη—Το Κλειδί για Ειρηνικές Σχέσεις» (Η Σκοπιά 1 Νοεμβρίου 2002)
Ντικ σαρ σικλιλέ εμπούκα τζενέ τε συμπεριφερισάον οκολέ μανουσέντε χωρίς τε ξεχωρισαρέν-λεν.
Ντικ σο νταλίκ τε κερές άμα σι-τουτ πρόβλημα εκχέ τζενέσαρ μπι τε αράντολ η ειρήνη αντί κχανγκιρί.
«Να Τακτοποιείτε τις Διαφορές σας με Πνεύμα Αγάπης» (Η Σκοπιά, Μάιος 2016)
a Η Σημείωση 6 κάι ε παλουτνέ σελίδες πφενέλ σαρ η αγάπη ισπίλντελ ε Χριστιανόν τε κορλάρουν για τε να πφερέν οκολέν νασφαλιματένσαρ κάι σι σοβαρά τα κολλητικά.
b Η Σημείωση 7 κάι ε παλουτνέ σελίδες σικαέλ σαρ νταλίκ τε ανάς ι λύση σεέντε κάι σι τε κερέν ε μπουκιένσαρ τα με τους νόμους.