LEKTIONA 58
Rike loyal ap i Jehoweste
Tchatche christe mukenn tchi un kekes mank pende un i Jehoweste te well, te krell kowa lengro malepen leha paash. Tu te djiweh i Jehoweske loyaltikes, dikell lo kowa — kowa hi leske bud moldo (Dik pal an 1. Familjakro Liil 28:9). Hawe situatione nai krans tuke kowa phares, te atchess loyal, un hoi te kress, te hi tuke kowa phares?
1. Har nai testrenn wawar maro loyalepen ap i Jehoweste?
Kote denn sawe, kai kamenn gar, te djiwas i Jehoweske. Koon hin jon? Sawe, kai mukan o tchatchepen pal pende, anenn chochepen ap i Debleskri organisationa. Jaake kamenn le maro patsepen paash te krell. Jon kharenna Abtrynnige. Denna ninna rashaja un pastore, kai anenn chochepen pral mende pre. Jon kamenn, te djiwas buder gar an o Jehoweskro tchatchepen. Menge hi kowa i gefahra, te rakrah lentsa, te drawerah kowa, hoi jon an libre oder an o internet tchinenna, oder te dikah lengre videos. Pral kolende, kai kamenn maro loyalepen ap i Jehoweste paash te krell, penas o Jesus: “Mukenn le te rakrell! Jon hi korele un kamenn i korelen ap o wast te lell. Un te lell i korelo i koreles ap o wast, perenn hake dui” (Mateo 15:14).
2. Hawo privat koowa nai testrell maro loyalepen ap i Jehoweste?
Kamlepen ap i Jehoweste krella, kai tserdah mer men tseles ko koomastar krik, hoi dran kola chochene religione wella. Tchi — kek budi mendar, kek organisationa kai dre ham, oder tchomone wawar — derfte wella dran i chocheni religiona. O Jehowah dell men trad: “Mire menshe! Djan dran [koi bari Babilon] win” (Debleskro Tsiro 18:2, 4).
RODAS DUREDER
Kanna dikeh, har te kress kowa, kai well kekeske koi chance, te krell lo tiro loyalepen ap i Jehoweste tikneder. Tu dikeh ninna, kai sikrell kowa tiro loyalepen, tu te djah dran koi bari Babilon win.
3. De jak glan kolende, kai rakrenn chochepen
Har te reagieras mer, mer te hunah tchilatcho koowa pral i Jehoweskri organisationa? Dikenn pal an Gosewe Laba 14:15, un rakrenn khetne pral:
Hoske te patsas gar halauter, hoi mer hunah?
Dikenn pal an 2. Johanni 9-11, un rakrenn khetne pral:
Har te reagieras ap kolende, kai peran o patsepastar tele?
An hawe situatione nai hunams mer kolen, kai Abtrynnige hin, ninna te rakrah lentsa gar direkt?
Har hunte well i Jehoweske kowa, mer te dah wawaren koi chance, kai nai rakrenn le mentsa tchilatches pral leste oder pral leskri organisationa?
4. Atch o Debleske loyaltikes, te krell i phraal i doosh
Hoi te kress, tu te djineh, kai kras jek dran i Versammlunga i bareder doosh? Dikas ap i biblakri prinzipa. Kowa hatsah an i lab, hoi o Dewel kola phure Isaelitarjen das. Dikenn pal an 3. Mose 5:1.
Har ko verso penella, hunte rakras mer i Phurentsa, te djinah mer, kai kras jek i bareder doosh. Dran maro kamlepen ap koleste, kai tchomone kras, rakrah mer leha glanstunes, un penah leske, te djal lo pash i Phurende, te rakrell lo lentsa pral kowa, hoi lo kras. Job te kamell lentsa gar te rakrell, krell maro loyalepen ap i Jehoweste, kai penah mer i Phurenge, hoi mer djinah. Hoske hi kowa — mer te krah kowa jaake, har kate tchinlo hi — maro loyaltiko kamlepen …
ap i Jehoweste?
ap koleste, kai koi bari doosh kras?
ap wawarende an i Versammlunga?
Te hi i phraal an i gefahra, palle ab leske koi
5. Atch win dran koi bari Babilon
Dikenn pal an Luka 4:8, un Debleskro Tsiro 18:4, 5, un rakrenn khetne pral:
Hi miro lab an i chocheni religiona registrieremen?
Hum me an i organisationa, kai i chocheni religionah khetne hi?
Krell miri budi tchomone, hoi i chocheni religionake mishto hi?
Dell kote tchomone an miro djipen, kai hunte tserdap man i chocheni religionatar pale?
Tu te penal ap jek putchepen ’Awa’: Hoi te kress kanna?
Tu te kreh kowa, hoi tu kameh te krell, ma biste: Rike tiro dji djudjes un sike i Jehoweske dran kowa, hoi tu kreh, kai kameh tu leske loyal te atchell.
Hoi wals, te kamell i kangri wawaren i latchepen te krell: Dals tu lenge lowe, te nai krenn le kowa?
BUD PENENNA: “Me te djinau, hoi kol Abtrynnige pral i Jehoweskre Rakepangre penenna, djinau ninna feteder, har te lap man o tchatchepaske an.”
Wals kowa gosewo? Hoske peneh tu kowa jaake?
HOI KATE PENLO WAS
Te nai atchas i Jehoweske loyal, hunte rikras mer men kolendar krik, kai kamenn men o tchatcho dromestar tele te tsardell.
Hoi penals tu?
Hoske te shunas mer tchi, hoi kol Abtrynnigendar wella?
Hoi hunte kras mer, mer te djinah, kai i phraal i bari doosh kras?
Har nai rikrah mer men ap ko lab, te djas dran kol chochene religione win?
BUDEDER
Kate drawereh, har te reagieress nai, te dikeh chochepen pral Jehoweskre Rakepangre.
Kate hatseh, ap hoi te djiness, kai hi i organisationa an koi bari Babilon.
Kate huneh, hoi tchilatche kran un krenna, te nashrell maro patsepen i soor.
An koi artikla “Har hums i terno tchawo, rodum o Debles” nai drawereh tu, har i rashaj an ko patsepen Shinto i chocheni religiona pal peste mukas.
“I bibla krell o djipen newes” (O Gardeskro Kheer, Juli 1, 2011)