Geneza

12 Hai o Iehova phendea le Avramosche: „Jia avri anda chio them, mech che neamuren hai o chăr che dadesco hai jia ando them cai va avela te sicavav-les tuche. 2 Va avela te cherav anda tute iech bari națiunea, va avela te dav tut miștimata hai va avela te cherav tuche iech baro anav; hai va avela te anes miștimata averenghe. 3 Va avela te dav miștimata codolen cai den-tu miștimata hai va avela te dav armai codoles cai del-tu armai, hai prin tute pe sea-l familii la phuveache va avena miștimata”. 4 Cadea că, o Avram tiliardea, cadea sar phendea lesche o Iehova, hai gălea vi o Lot leia. Le Avramos sas-les 75 bărșa cana tiliardea anda Haran.