Geneza
4 O Adam sutea pesca rromniasa, i Eva, hai voi așilea phari. Cana cărdea le Cainos, voi phendea: „O Iehova ajutisardea man te cherav iech șiavorro”. 2 Mai târzio, voi năștisardea încă ieche șiaves: le Abelos, o phral le Cainosco. O Abel lelas sama po bacrea, hai o Cain cherelas buchi i phuv. 3 Pala iech timpo, o Cain andea le Iehovasche iech jertfa anda so chidea andai phuv. 4 Tha o Abel andea chichiva mașcar le iechto năștime anda leschi turma, hai lengo thulimos. O Iehova dichlea lașe iachența caring o Abel hai leschi jertfa, 5 tha ci dichlea lașe iachența nici iech țâra caring o Cain hai leschi jertfa. Hai o Cain astardea-pe holiatar hai sas-lo zurales perado. 6 Atunci o Iehova phendea caring o Cain: „Sostar holiardean tut hai sostar san perado? 7 Dacă ortosares tut hai cheres so si mișto, ci va avela te sicavav tuche pale lașimos? Tha, dacă ci ortosares tut hai ci cheres so si mișto, o păcato ajucărel tut co udar hai camel te astarel tut. Tha, tu va avela te așes zuralo angla leste?”.