2 Cronici

18 Le Iosafatos sas-les bare barvalimata hai but gloria, tha cărdea-pe hanamic le Ahaboia. 2 Pala chichiva bărșa gălea tele co Ahab, andi Samaria. Hai o Ahab șindea but bacrea hai guruvnea anda leste hai anda lesche manușa cai sas-le leia hai camlea zurales te jial caring codola anda Ramot-Galaad. 3 O Ahab, le Israelosco rege, phendea le Iosafatosche, o rege anda i Iuda: „Jias manța ca Ramot Galaad?”. Vo phendea lesche parpale: „Me som sar san tu hai mânro poporo silo sar chio poporo. Va avela te jiav tusa ca o războio!”.