Matei

18 Cadea cărdilea o Isus Cristos: Cana leschi dei, i Maria, sas te avel dini sar rromni le Iosifosche, voi așili phari prin o spirito sfânto mai anglal ca von te len-pe. 19 Tha o Iosif, laco rrom, cai sas iech manuș lașio, ci camlea te cherel-la lajiavestar anglal manușa hai gândisardea-pe te mechel-pe latar garades. 20 Tha, pala soste gândisardea-pe cadale buchiande, dichta o îngero le Iehovasco sicadea-pe lesche ando suno hai phendea: „Iosif, șiav le Davidosco, na dara te anes chăre la Maria, chi rromni, că voi așili phari prin o spirito sfânto. 21 Voi va cherela iech șiavorro, hai tu si te șios lesco anav Isus, că vo va scăpila pesche poporos catar lenghe păcatea”. 22 O ciacimos si că sea cadala întâmplosarde-pe caște pherel-pe so phendea o Iehova prin pesco profeto: 23 „Dichta că i șei bari va așela phari, va cherela ieche șiavorres hai va șiona lesche o anav Emanuel”, cai însemnol: „O Del silo amența”. 24 Pala codoia, o Iosif uștilea anda peschi lindr hai cărdea cadea sar phendea lesche o îngero le Iehovasco: vo andea chăre pesca rromnia. 25 Tha vo ci sutea lasa ji cana voi ci cărdea le șiavorres. Hai vo șiutea lesche o anav Isus.