Revelația

3 Caring o îngero la congregațiaco anda Sardes scriisar: Ita so phenel codo cai siles le efta spiritea le Devlesche hai le efta cerhaia: «Prinjianav le buchia cai cărdean-le hai jianav că san prinjiando sar jiuvindo, tha san mulo. 2 Uște hai zuriar so mai așilea hai cai si pașă te merel, anda codoia că dichlem că le buchia cai cheres-le ci sile cărde cu sea angla amaro Del. 3 Anda codoia, an tuche amintea sea o timpo so sas tuche dino hai so așundean, încăr zurales cadai buchi hai risar-tu parpale catar chio nasulimos. Te jianes că dacă ci uștes, va avela te avav sar iech cior hai nicisar ci va avela te jianes ca so ceaso va avela te avav opral tute. 5 Codo cai va biruila va avela huriado ande parne hureaimata hai me nicisar ci va avela te chosav lesco anav anda o lil la viațaco, tha va avela te prinjianav lesco anav angla mânro Dad hai angla lesche îngeri. 15 «Prinjianav so cărdean hai jianav că ci san nici șudro, nici thabardo. Camlemas te aves șudro sau thabardo. 16 Tha anda codoia că san tachiorro hai ci san nici thabardo, nici șudro, va avela te șiudav-tu avri anda mânro mui. 17 Anda codoia că phenes: „Som barvalo, chidinem barvalimata hai ci mai trebul manghe chanci”, tha ci jianes că san bibahtalo, demno roimasco, cioro, coro hai nango,