Isaia

6 Pe cado plain, o Iehova le armatengo va cherela anda sea le popoarea iech bari meseli thule habenența, iech bari meseli moleasa lași, thule habenența, pherde măduva, moleasa lași, ujardi. 7 Pe cado plain vo va duriarela o vălo cai si opral sea le popoarea hai o pachiarimos cai pachiarel sea le națiuni. 8 Vo va nachavela o merimos anda sea o timpo. O Rai Suverano Iehova va chosela le asfa pa sea-l fețe. Va duriarela pa sea-i phuv o disprețo pesche manușengo, că o Iehova dea duma. 9 Ande codo ghies von va phenena: „Ita! Cado si amaro Del! Ande leste șiuteam amari speranța hai vo va hastravela-ame. Cado si o Iehova! Ande leste șiuteam amari speranța. Te avas voime hai te bariol amaro ilo bucuriatar anda i salvarea cai avel lestar!”.