Proverbe

2 Cana avel o puchiarimos avel vi o lajiavimos, tha o goghiaverimos silo codolența modesto. 9 O mui codolesco nasul îngărel pesche pașardes co hasarimos, tha o prinjianimos salvil codoles orta. 11 I binecuvântarea codolenghi pachivale, anel miștimos le bare forosche, tha o mui codolengo nasul peravan-les. 12 Codo cai nai-les goghi phiravel-pe nasul codolența de pașa leste, tha o manuș cai jianel so si mișto hai so si nasul așel anda o mui. 13 Codo cai prasal del duma peste sea anda so manghlea-pe lestar te na phenel, tha o manuș demno pachiamasco jianel te încărel anda peste so sas lesche phendo. 14 Cai ci si iech îndrumarea goghiaver, o poporo perel, tha cana si but sfătuitori le buchia jian mișto. 17 Iech lașio manuș cherel pesche so si mișto, tha codo nasul anel opral peste pharimata. 24 Iech manuș del but anda pesco sasto ilo hai arăsăl te aveles vi mai but, aver încărel anda peste so trebulas te del hai cu sea cadala silo mai cioro. 25 Le manușes cai del bare ileia va jiala lesche mișto hai codo cai învioril averen va avela vi vo înviorime. 27 O manuș cai rodel zurales te cherel o miștimos rodel o lașimos, tha con rodel te cherel o nasulimos, va primila nasulimos.