Deuteronomo

4 Așun, Israel: o Iehova, amaro Del, si iech corcoro Iehova. 5 Te iubis le Iehovas, chio Del, sea che ileia, sea che sufletoia hai sea che zuralimaia. 6 Cadal cuvintea cai porunciv-le tuche aghies te aven ande chio ilo, 7 te șios-le ande che șiavenghi goghi hai te des duma anda lende cana san chăre hai cana phires po drom, cana șios-tu te soves hai cana uștes. 8 Te phandes-le tuche sar semno pe chio vast hai pe chio cicat. 9 Te scriis-le pe che chăresco udar hai pe chire porți. 10 Cana o Iehova, chio Del va îngărela tut ando them savo solahardea che phurenghe, le Avraamosche, le Isaacosche hai le Iacobosche că va dela-les tuche – them ande savo si forurea bare hai șucar cai na tu vazdea-len, 11 chăra pherde orisavo felo buchianța lașe cai ci cărdean tu buchi anda lende, hainga cai ci sas-le cărde tutar hai răza hai măslinea cai na tutar sas șiute andi phuv – hai cana va avela te has hai te ciailios, 20 Cana che șiave va pușena tut ando viitorii: «So sicaven le buchia cai anes-len amintea, le legi, hai le hotărâri andai cris cai dea-len tumenghe o Iehova, amaro Del?», 21 Te phenes che șiavenghe: «Samas sclavi le faraonosche ando Egipto, tha o Iehova pesche zurale vastesa încaladea amen anda o Egipto. 22 O Iehova cărdea semnea hai bare miracolea tela amare iacha hai mechlea bi zuralimasco sea o Egipto, le faraonos hai codolen anda lesco chăr. 23 Hai lea amen de cothar caște anel amen cade hai te del amen o them cai solahardea-les amare phurenghe.