Evrei

2 Cade vazdea-pe i dintuni rig anda i țărha, cai bușiol o Than Sfânto, cai sas-le o lampadarii, i meseli hai le manre andai prezentarea. 9 Cadai țărha si iech reprezentarea simbolico anda amare ghiesa hai sicavel vi că le daruri hai jertfe cai den-pe ci daștin te den codoles cai cherel iech buchi sfânto iech conștiința uji perfecto. 12 Vo gălea andre ando than sfânto – na le rateia le buznengo hai le tărne guruvnengo, tha pesche rateia – iechdata anda sea o timpo hai dea anda amende iech hastraimos veșnico. 22 Da, pala i Legea, cam sea le buchia sile ujiarde ratesa hai bi te avel șiordo rat na-i sar te avel iertarea. 24 Că o Cristos ci gălea andre ande iech than sfânto cărdo vastendar, cai si cărdo pala o ciacimos, tha chiar ando cerii, caște sicavel-pe angla o Del ande amaro miștimos. 25 Cadaia ci cărdea-pe caște del-pe mai butivar sar jerfta, sa cadea sar o baro rașai jial andre ando than sfânto bărș pala bărș ieche rateia cai ci si lesco. 26 Aver varesar, trebulas te avel duchado mai butivar de cana cărdilea i lumea. Tha acana, vo sicadea-pe iech data anda sea o timpo co phandaimos cadale sistemengo caște chosel o păcato prin peschi jertfa. 27 Hai cadea sar le manușa meren iech corcori data, pala codoia avel i cris, 28 sa cadea vi o Cristos dea-pe sar jertfa iech corcori data caște phiravel bute jenenghe păcatea. Hai i duito data cana va sicavela-pe ci va avela te duriarel o păcato; atunci vo va avela dichlo codolendar cai ajucăren-les zurales caște aven salvime.