Psalmii

56 Sicav manghe lașimos, o Devla, anda codoia că o manuș păcătoso camel te cherel manghe nasul. Sea o ghies von așen manghe contra hai roden te duchaven-ma. 2 Mânre dușmani dandaren man sea o ghies; but jene phuchiarde barimastar maren-pe contra manghe. 3 Cana astarel-ma i dar, șioav mânro pachiamos ande tute. 4 Ando Del, saveschi duma așarav, ando Del șioav mânro pachiamos – ci darav. So daștil te cherel manghe o manuș? 8 Tu prinjianes mișto fiesavo paso pa mânro drom de cana phirav anda iech than ande aver. Chide mânre asfa ande chio gonorro! Ci sile von scriime ande chio lil? 9 Mânre dușmani va dena parpale ando ghies cana va avela te dav cingar pala o ajutorii. Anda codoia pachiav anda sea o ilo: o Del si de mânri rig. 10 Ando Del, saveschi duma așarav-la, ando Iehova, saveschi duma așarav-la, 11 ando Del șioav mânro pachiamos – ci darav. So daștil te cherel manghe o manuș? 12 Le solaharimata cai cărdem-len tuche oblighin man, o, Devla! Anav tuche mulțumiri anda sea o ilo. 13 Anda codoia că tu hastradean man catar o merimos hai ferisardean mânro pânro te na perel, caște phirav angla o Del ando udud codolengo jiuvinde.