Faptele

4 Tha, codola cai sas-le nașade, phirenas ande sea o them hai phenenas i vestea lași anda o cuvânto. 14 Cana le apostoli anda o Ierusalimo așunde că i Samaria primisardea o cuvânto le Devlesco, bișialde code le Petros hai le Ioanos; 25 Cadea că, pala soste șiute mărturia zurales mișto hai phende o cuvânto le Iehovasco, von găle parpale caring o Ierusalimo hai phenenas i vestea lași andel but gava cai beșenas le samariteni. 26 Tha o îngero le Iehovasco phendea caring o Filip: „Vazde-tu hai jia caring tele, po drom cai mechel-pe tele catar o Ierusalimo caring i Gaza”. (Cado si iech drom prin șuco than.) 27 Atunci vo vazdea-pe hai tiliardea hai dichlea iech eunuco etiopiano, iech baro manuș, cai cherelas buchi anda i Candace, i thagarni andai Etiopia, hai tela savesco vast sas laco barvalimos. Vo avilea co Ierusalimo caște anel închinarea. 28 Acana vo jialas parpale hai, cadea sar beșelas ande lesco vurdon, citisarelas voceaia zurali anda o profeto Isaia. 29 Atunci o spirito phendea caring o Filip: „Jia hai pașio catar cado vurdon”. 30 O Filip nașlea caring leste hai cana pașilea, vo așundea sar o etiopiano citisarelas voceaia zurali anda o profeto Isaia hai phendea lesche: „Hachiares ciaces so citisares?”. 31 Vo phendea: „Sar te daștiv dacă ci sicavel man varecon?”. Hai manglea le Filipos te jial opre ando vurdon hai te beșel pașa leste. 32 O cotor andal Scripturi cai citilas-les sas cado: „Sar iech bacri vo sas-lo îngărdo caște avel șindo; hai sar iech bacro cai așel bi glasosco angla codo cai șinel lesche bal, cadea vi vo ci pâtrel pesco mui. 33 Ando timpo lesche praisaimasco, les ci sas-les iech cris orta. Con va dela duma anda le detalii de cathar avel vo? Că leschi viața sas lini pa i phuv”. 34 Atunci o Eunuco phendea caring o Filip: „Mangav tut, phen manghe, anda caste del duma o profeto? Anda peste sau anda aver manuș?”. 35 O Filip astardea te del duma hai, catar cado cotor andal Scripturi, vo phendea lesche i vestea lași anda o Isus. 36 Ando timpo so jianas po drom, arăsle ca iech pai, hai o eunuco phendea; „Ita iech pai! So ci mechel-ma te avav boldo?”. 38 Atunci vo phendea te avel așado o vurdon, hai o Filip hai o eunuco găle ando pai hai o Filip boldea-les.