Ioan

12 Mai si man but buchia te phenav tumenghe, tha acana ci daștin te phiraven-len. 22 Sa cadea, acana vi tumen san duchade, tha me va avela te dichav tumen pale hai tumaro ilo va bucurila-pe hai chonic ci va daștila te ciorel tumari bucuria. 23 Ande codo ghies ci va mai avela te pușen-ma chanci. Ciaces phenav tumenghe: Dacă manghen vareso le Dadestar, vo va dela tumen ande mânro anav. 24 Ji acana ci manglean chanci ande mânro anav. Manghen hai va avela te del-pe tumenghe, ca tumari bucuria te avel zurales bari. 27 Că chiar o Dad iubil tumen, anda codoia că vi tumen iubisarde man hai pachiaian că avilem sar bișialdo le Devlesco. 32 Ita că avel o timpo, hai chiar avilea, cana va avela te hulaven tumen, fiesavo va jiala ca pesco chăr, hai va mechena-ma corcoro. Tha ci som corcoro, anda codoia că o Dad silo manța. 33 Phendem tumenghe cadala buchia caște avel tumen pacea prin mande. Andi lumea va nachena prin bare pharimata, tha tromai! Me biruisardem i lumea”.