1 Samuel

16 Pala codoia o Iehova phendea le Samuelosche: „Ji cana va avela te aves duchado anda o Saul, acana că me duriardem-les caște na mai avel rege ando Israelo? Pher uleiosa chio corno hai jia. Va avela te bișalav tut co Iese, anda o Betleem, anda codoia că alosardem manghe iech rege anda lesche șiave”. 6 Cana jianas andre, dichlea le Eliabos hai phendea: „Cado si ciaces o machlo le Iehovasco”. 7 Tha o Iehova phendea caring o Samuel: „Na dich sar sicavel de avreal sau so ucimos siles, anda codoia că na les camav-les. Că o Del ci dichel cadea sar dichel o manuș. O manuș dichel so dichiol-pe de avreal, tha o Iehova dichel so si ando ilo”. 10 Cadea că, o Iese șiutea efta anda pesche șiave te nachen angla o Samuel, tha o Samuel phendea lesche: „O Iehova ci alosardea nici ieches anda lende”. 11 Pala codoia, o Samuel phendea caring o Iese: „Cadala sile sea che șiave?”. Hai o Iese phendea: „Mai si man iech, o mai țâno, vo silo le bacreanța”. Atunci o Samuel phendea lesche: Bișal varecas pala leste, anda codoia că ci va avela te beșas ca i meseli caște has ji cana ci avel vo cathe”. 12 Cadea că bișaldea varecas pala leste, hai andea-les. Les sas-les lole bal, șucar iacha hai dichiolas șucar de avreal. Hai o Iehova phendea: Vazde tut hai mach-les, anda codoia că vo si!”.