Matei

9 Pala so tiliardea de cothar, o Isus dichlea ieche manușes cai bușiolas Matei, vo beșelas ando than cai pochinelas-pe le impozite hai phendea lesche: „Av pala mande!”. Atunci o Matei vazdea-pe hai gălea pala leste. 10 Pala iech timpo, cana o Isus halas ando chăr, avile but manușa păcătoși hai vi codola cai chidenas le impozite hai astarde te han lesa hai lesche discipolența. 11 Tha cana dichle cadaia, le farisei pușle lesche discipolen: Sostar hal tumaro sicaitorii le manușența păcătoși hai codolența cai chiden le impozite? 12 Cana așundea-len, vo phendea: „Na le manușen sasteveste silen nevoia catar o doctorii, tha codolen cai sile nasfale. 13 Cadea că jian hai sichion so însemnol: «Mila camav, na jertfe!». Anda codoia că ci avilem te acharav codolen orta, tha codolen păcătoși”. 35 Hai o Isus phirelas ande sea le foruri hai gava hai sicavelas le manușen ande lenghe sinagogi, phenelas i vestea lași anda o Regato hai sastiarelas le manușen catar orisavo nasfalimos hai catar orisavi infirmitatea. 36 Cana dichlea le bute manușen, sas lesche mila lendar, anda codoia că sas-le marde hai nașade sar le bacrea cai nai-len păstoro. 37 Hai vo phendea pesche discipolenghe: „Da, i buchi cai trebul cărdi cana si o timpo te chidel-pe i recolta si bari, tha codola cai cheren buchi sile țâra. 38 Anda codoia, manghen le Raies cai lel sama cadala buchiatar te bișalel chichi mai bute manușen te cheren buchi cana si o timpo te chiden leschi recolta”.