2 Timotei
5 Că anav manghe amintea catar chio pachiamos nehohamno, pachiamos cai sas mai anglal chia phurea Lois hai chia deia, Eunice, hai savo jianav că vi tut si tut. 6 Anda codoia, anav ande chi goghi te încăres thabardo sar iech iag o daro le Devlesco cai sas tuche dino cana șiutem mânre vasta opral tute. 7 Că o Del ci dea amen iech spirito daraimasco, tha iech spirito zuralimasco, iubireaco hai ieche goghiaverimasco sastevesto. 13 Le tut vi mai dur pala le dumes sasteveste cai așundean-len mandar, ando timpo so sicaves chio pachiamos hai chi iubirea cai aven anda o phanglimos le Cristososa Isus. 16 O Rai te sicavel îndurarea caring o Onisifor hai leschi familia, anda codoia că vo zuriardea-ma butivar hai ci sas lesche lajiav mânre lanțurența. 17 Mai but, cana sas andi Roma vo rodea-ma ji cana arachlea-ma. 18 O Rai te cherel-les te arachel îndurarea co Iehova ande codo ghies. Tu jianes zurales mișto ce but buchia cărdea vo anda mande ando Efes.