Matei
6 Fericime si codo cai ci arachel nici iech motivo te poticnil-pe ande mande”. 9 Atunci sostar gălean? Caște dichen iech profeto? Da, phenav tumenghe că vo si iech profeto hai chiar mai but sar iech profeto. 10 Vo si codo anda savo phendem: «Dich că bișalav mânre manușes, hai vo va lașiarela o drom angla tute!». 11 Ciaces phenav tumenghe că niciech manuș ci si mai baro sar o Ioan Botezătoro, tha o mai țâno anda o Regato le cerosco si mai baro sar vo. 12 Anda le ghiesa le Ioanosche o Botezătoro ji aghies, le manușa den penghi zor te arăsăn ando Regato le cerosco, hai codola cai den sea penghi zor va arăsăna code. 13 Anda codoia că sea le Profeții hai i Legea, phende de mai anglal so va avela ji co Ioan. 14 Hai vi cana camen sau nici, vo si «o Ilie cai trebul te avel». 15 Cas si cana te așunel! 18 Sa cadea, avilea o Ioan, cai ci hal hai ci piel, tha cu sea cadala le manușa phenen: «Siles demono!» 19 Avilea o Șiav le manușesco, cai hal hai piel hai le manușa phenen: «Ita iech manuș cai hal but hai piel mol, iech amal codolența cai chiden taxe hai codolența păcătoși!». Cu sea cadala, o goghiaverimos silo prinjiando prin le buchia cai cherel-len”. 25 Atunci o Isus phendea: „Așarav-tu angla oricon, Dade, o Rai le cerosco hai la phuveaco, anda codoia că garadean cadal buchia codolendar cai sile goghiaver hai sicade hai cărdean-le prinjiande le șiavorrenghe! 26 Da, Dade, anda codoia că tu camlean te avel cadea. 28 Aven mande, tumen, sea codola cai cheren phari buchi hai pharimata phiraven, hai me va avela te dav tumen zuralimos! 29 Len mânro jugo pe tumende hai sichion mandar, că me som lașio hai si man iech ilo umilo, hai va arachena înviorare. 30 Anda codoia că mânro jugo silo plăcuto hai mânri sarcina, na-i phari”.