Evrei

4 Si ciaces, orisavo chăr silo cărdo varecastar, tha codo cai cărdea sea-l buchia si o Del. 12 Len sama, phralale, ca na varesar te bariol ande vroiech anda tumende iech ilo nasul, bi pachiamasco, cai te duriarel tumen le Devlestar jiuvindo; 13 mai but, zuriaren tumen iech averes ande fiesavo ghies, ji cana mai daștil-pe te phenel-pe că si „aghies”, ca o athaimos le păcatosco te na cherel nicieches mașcar tumende te avel-les iech ilo barruno. 14 Că amen va avela te avas ciaces le Cristososa, numai cana încăras ji co sfârșito zuralo amaro pachiamos cai sas amen mai anglal. 15 Pala sar phenel-pe: „Dacă aghies așunen lesco glaso, na cheren tumaro ilo barruno sar atunci cana astardea i cărchi holi”.