10. O ciacimos andal îngeri
1. LE ÎNGERI CHEREN PARTEA ANDA I FAMILIA LE DEVLESCHI
„Binecuvântin le Iehovas, o, lesche îngeri, zurale ando zuralimos.” (Psalmo 103:20)
So jianas andal îngeri?
-
O Iehova cărdea le îngeren angla so te cherel i phuv.
-
Si milioanea îngeri.
-
Le îngeri sas-le sea o timpo interesime le scopostar le Iehovasco la phuveaia.
-
Le îngeri sile foarte interesime le slujitorendar le Devlesche.
2. LE ÎNGERI AJUTIN LE SLUJITOREN LE DEVLESCHE
„O îngero le Iehovasco șiol peschi tabăra pașa codola cai daran Lestar hai scăpil-le.” (Psalmo 34:7)
Catar jianas că le îngeri daștin te ajutin le manușen?
Geneza 19:15, 16; Daniel 6:22; Luca 22:43; Fapte 12:6-11
Le îngeri ajutisarde manușen sar o Lot, o Daniel, o Isus hai o Petru.
-
O Iehova folosil le îngeren caște ajutil hai te ocrotil pesche slujitoren de aghies.
3. LE ÎNGERI NASUL ÎNCERCON TE CHEREN AMENGHE NASUL
„Te na avas athade le Satanostar, că prinjianas lesche planuri.” (2 Corinteni 2:11)
Con si le demoni hai sostar sile von periculoso?
-
Iech îngero șiutea-pe contra le Iehovasche. Vo bușiol Satan.
-
Ando timpo le Noesco, unii îngeri răzvrătisai-le hai avile pi phuv.
-
Codol îngeri nachle de-i partea le Satanoschi andi răzvrătirea hai arăzle demoni.
-
Le demoni cheren sea o posibilo caște athaven le manușen hai te cheren lenghe nasul.
4. DAȘTIS TE AȘES CONTRA LE SATANOSCHE HAI LE DEMONENGHE
„Așen contra le Diavolosche, hai vo va nașela tumendar.” (Iacov 4:7)
Sar daștil te avel tu o ajutorii le Iehovasco caște luptis contra o Satan hai le demoni?
-
Distrugisar orisavi buchi cai sila legătura co spiritismo hai cai cherel ca i magia, le demoni sau le puteri supranaturalo te amean interesanto sau că nai periculoso.
-
Zuriar chio pachiamos studiindoi i Biblia hai rughisao-tu le Devlesche caște ocrotil-tu.
-
Folosisar o anav le Devlesco, Iehova.