De chi zor te sichios anda le imagini

Ande amare lila si but imagini anda save ­daisaras te țârdas bare sicaimata. So daștis te cheres caște țârdes miștimata anda le imagini?

• Dich le imagini angla so te citis o articolo. Le imagini daștin te cheren tut te cames te jianes mai but hai vi te cames te citis mai dur o articolo. Si sar cana diches iech lașio haben cai cherel tut te cames te has-les. Cadea că, puș tut: „So dichav?”. (Am. 7:7, 8)

• Cana citis iech articolo, gândisar tut sostar sas alosardi iech imaginea. Citisar so phenel-pe tela i imaginea. Dich o phanglimos mașcar i imaginea hai o articolo hai gândisar tut sar daștin te ajutin tut cadala ande chi viața.

• Pala so citisardean, dich le imagini caște anes tuche amintea le bare sicaimata anda o articolo. Phandav che iacha hai de chi zor te anes tuche amintea le imagini hai so sichilean anda lende.

• Dich pale le imagini anda o lil hai de chi zor te anes tuche amintea le bare sicaimata.