O Isus „sichilea te așunel”

O Isus așundea sea o timpo pesche dadestar, le Iehovastar. (Ioan 8:29) Atunci sostar phenel i Biblia că „sichilea te așunel anda le buchia cai suferisardea-len”? (Evr. 5:8)

Pala so avilea pi phuv, o Isus nachlea prin buchia neve. Lesco dad hai leschi dei cai bariarde-les iubinas le Iehovas, tha sas-le imperfecți. (Luca 2:51) Le rașaia hai codola cai rainas duchade but le Isusos. (Mat. 26:59; Mar. 15:15) Mai but, o Isus „sicadea umilința hai așundea le Devlestar ji co merimos”, iech merimos zurales duchado. (Filip. 2:8)

Anda codoia că nachlea prin cadal buchia, o Isus sichilea te așunel ande iech modo diferime, cadea sar ci sichilea ando cerii. Cadea, vo daisardea te cărdiol iech Rege perfecto hai iech Baro Rașai, cai daștil te hachiarel ciaces prin so nachas. (Evr. 4:15; 5:9) Pala so sichilea te așunel anda le buchia prin save nachlea, o Isus arăslea vi mai cuci andel iacha le Iehovasche hai Vo daisardea te folosil-les mai but ande leschi buchi. Vi amen daisaras te avas mai cuci andel iacha le Iehovasche hai te avas folosime ande leschi buchi dacă așunas lestar chiar cana nachas prin pharimata. (Iac. 1:4)