Sar daștis te folosis chio „daro spiritualo”?

Savore simțosaras amen zuriarde cana beșas ande iech than amare phralența hai pheianța. Tha, caște zuriaras amen ciaces iech averes trebul te cheras mai but sar te beșas ande iech than. I Biblia phenel că trebul te folosisaras amaro „daro spiritualo” caște zuriaras o pachiamos iech averesco. (Rom. 1:11, 12) Sar daisaras te folosisaras mișto cado daro?

Te zuriaras averen prin so phenas. Sar exemplo, cana das răspunsuri ca le întruniri, trebul te las sama te na das duma prea but anda amende sau anda amari viața. Avelas mai mișto te das duma anda so sichioas le Iehovastar, lesche manușendar loialo hai andai Biblia. Cana sam ande iech than le phralența hai le pheianța si mișto te das duma anda buchia cai zuriaren amaro pachiamos.

Te zuriaras averen prin so cheras hai prin so alosaras. Sar exemplo, chichiva phrala alosaren te den sea pengo timpo andi buchi le Iehovaschi chiar cana nachen prin pharimata. Aver phrala aven sea o timpo ca i întrunirea anda o mașcar le curchesco chiar cana sile chine anda codoia că sas-le la buchiate sau sile nasfale.

Zuriares che phralen hai pheian prin so phenes hai cheres? Diches so cheren che phrala hai pheia caște zuriaren tut?