Zuriar chio pachiamos că o Iehova daștil te salvil tut

Citisar Numerele 13:25–14:4. Cade si iech relatarea ande savi le israeliți sicade că ci pachianas-pe ando Iehova.

Rode te jianes so întâmplosardea-pe ande codo timpo. Sostar le israeliți trebunas te pachian-pe ando zuralimos le Iehovasco cai va salvila-len, pala so tiliarde anda o Egipto? (Ps. 78:12-16, 43-53) So cărdea-len te hasaren pengo pachiamos ando Iehova? (Deut. 1:26-28) Sar sicade o Iosua hai o Caleb că pachianas-pe ando Iehova? (Num. 14:6-9)

Hachiar mai mișto. So daștinas te cheren le israeliți caște zuriaren pengo pachiamos ando Iehova? (Ps. 9:10; 22:4; 78:11) Sostar trebul te sicavas pachiv le Iehovasche caște pachias amen ande leste? (Num. 14:11)

Sar daștis te cheres so sichilean. Puș tut:

• „Ande so situații daștilas te avel manghe pharo te pachiav man cu sea ando Iehova?”

• „Sar daștiv te zuriarav mânro pachiamos ando Iehova acana hai ando viitorii?”

• „Sostar ci trebul te darav le bare necazostar?” (Luca 21:25-28)