I Lecția 8

Ilustrări cai sicaven

Matei 13:34, 35

OBIECTIVO: Cher mai lașio chio sicaimos prin ilustrări simplo, cai le manușa hachiaren-le hai cai sicaven idei importanto.

Alosar ilustrări simplo. Cadea sar o Isus, folosisar-tu buchiandar țâne caște explichis buchia bare hai buchiandar simplo caște explichis buchia phare. Na phen detalii inutilo cai cheren i ilustrarea phari. Le sama ca i ilustrarea te avel potrivime andai lecția cai cames te sicaves-la, cadea ca le manușa te na aven îngărde la goghiaia ande aver partea.

Av iech lașio observatorii. Dich i lumea de pașa tute, studiisar le publicații creștino hai av atento codolende cai sicaven mișto. Cadea, va încăreia andi goghi ilustrări save te folosis-le caște cheres mai lașio chio sicaimos. Chide cadal ilustrări ande iech than sau scriisar-le.
Gândisar-tu codolende cai așunen-tu. Alosar ilustrări cai sile phanglimos le buchianța cai interesin codolen cai așunen-tu. Av atento ca le ilustrări te na aven bi pachivale hai te na holiaren le manușen.
Sicav savi si i ideea principalo. Chi ilustrarea trebul te încalavel le idei principalo, na detalii cai nai importanto. Le sama ca o manuș cai așunel-tu te încărel andi goghi na numai i ilustrarea tha vi so sichiol anda late.