JIA PARPALE CA LE MANUȘA
SICAIMOS 7
Na mech-tu
So phenel i Biblia: „Ci așiavenas-pe te phenen i vestea lași”. (Fap. 5:42)
So cărdea o Pavel
1. Dich o MATERIALO VIDEO sau citisar Fapte 19:8-10. Pala codoia șiu tuche le pușimata cai aven:
a) Ando than te mechel-pe cana le manușa așile lesche contra, sar sicadea o Pavel că dea peschi zor te ajutil vi mai dur codolen cai camenas te prinjianen o ciacimos?
b) Chichi-var gălea parpale o Pavel caște del duma codolența cai camenas te prinjianen mai but hai chichi timpo cărdea vo cadai buchi?
So sichioas catar o Pavel?
2. Trebul te das amari zor hai te las anda amaro timpo caște jias parpale le manușende hai te astaras te sichioas lența andai Biblia.
Cher so cărdea o Pavel
3. Paruv chio programo pala o manuș. Șiu tuche le pușimata: „Cana hai cai avelas mai mișto te jiav leste? Cana hai cai avelas mai mișto te del duma manța?”. De chi zor te jias parpale leste chiar cana ci si o mai lașio timpo anda tute.
4. De duma le manușeia cana te dichen tumen pale. Cana terminin te den duma, de chi zor te hachiaren tumen cana hai cai te dichen tumen pale. Încăr-tu catar i duma hai jia leste cana phendean.
5. Na hasar chi speranța. Na pachia sigo că o manuș ci camel te prinjianel mai but numai anda codoia că ci prea araches-les chăre sau siles sea o timpo but buchia te cherel. (1 Cor. 13:4, 7) Na mech-tu, tha cu sea cadala folosisar goghiaver chio timpo. (1 Cor. 9:26)