„Te avel Chi împărăția!” – Iech manglimos phendo catar milioanea manușa

Manglean-tu vroiechdata te avel i împărăția le Devleschi? (Matei 6:10, Cornilescu, 1996) De but bărșa, milioanea manușa phenen cadal dumes: „Te avel Chi împărăția”. Sostar manghen-pe von cadea? Anda codoia că o Isus phendea pesche discipolenghe te manghen-pe anda i Împărăția, sau o Regato, le Devlesco.

Mai anglal, le continuatori le Isusosche ci hachiarde sea so phendea vo anda o Regato. Von pușle-les: „Raia, ande cado timpo va avela te des parpale o regato le Israelosche?”. Daștil-pe că von sas-le uimime, anda codoia că o Isus ci phendea lenghe cana va avela o Regato. (Faptele 1:6, 7) Însemnol cadaia că ci daisaras te jianas so si o Regato le Devlesco hai cana va avela? Nici!

Ande cadai revista O Turno de veghe, va avela te araches o răspunso ca le pușimata:

Sostar si amen nevoia catar o Regato le Devlesco?
Con si o Rege ande cado Regato?
Cana va raila o Regato pe sea i phuv?
So va cherela vo?
Sostar te alosaras încă de acanara o Regato le Devlesco?
So si o Regato le Devlesco?