Rode te prinjianes mai but

Alosar so cames te sichios mai anglal

Daștil-pe că nici tut na-i tut but timpo caște sichios corcoro andai Biblia hai anda amare publicații. Sar daștis te folosis chichi mai mișto cado timpo? I iechto buchi si te na sighiares. Va avena tut mai but miștimata dacă sichios atento iech țâno materialo sar te sighiares te citis but bi te hachiares chanci.

Pala codoia, alosar save si le sicaimata cai cames te sichios-le mai anglal. (Ef. 5:15, 16) Dich so daștis te cheres:

Citisar andai Biblia ande fiesavo ghies. (Ps. 1:2) Mai anglal, daștis te les-tu pala i programarea anda o citimos la Bibliaco anda i întrunirea anda o mașcar le curchesco.
Pregătisar-tu mișto anda o studio le Turnosco de veghe hai anda i întrunirea anda o mașcar le curchesco. Av gata te des răspunsuri. (Ps. 22:22)
Cana si tut timpo, de chi zor te citis hai te diches vi aver haben spiritualo, sar avenas le revistea anda o publico, le materialea video hai le materialea șiute po jw.org.
Rode te prinjianes mai but anda iech buchi cai interesil-tu. Daștis te rodes mai but anda iech pharimos prin savo naches, iech pușimos cai si tut sau iech subiecto andai Biblia cai cames te hachiares-les mai mișto. Daștis te araches sar te cheres cadaia ca i secțiunea „Activități biblico”, pa jw.org.