Sostar ci folosin o trușul andi închinarea?

But manușa pachian că o trușul reprezentil o creștinismo. Chiar cana sile creștini, le Martori le Iehovasche ci folosin o trușul andi închinarea. Sostar?

Iech motivo si că, i Biblia sicavel, că o Isus ci mulo pe iech trușul, tha pe iech simplo stâlpo. Mai but, i Biblia poruncil le creștinenghe ‘te nașen catai idolatria’, cadaia însemnol vi te na folosin o trușul andi închinarea (1 Corinteni 10:14; 1 Ioan 5:21).

Te na bistras, o Isus phendea: „Prin cadaia va jianena sea că san mânră discipoli: cana si tume iubirea mașcar tumende” (Ioan 13:34, 35). O Isus sicadea că o semno cai sicavel save si lesche ciace continuatori va avela i iubirea pherdi sacrificio, na o trușul sau vroiech aver imaginea.