3. Ce buchia diferime si mașcar le manușa hai le animalea?

Pala soste cărdea i Phuv, o Iehova cărdea i viața pe late. Mai anglal, vo cărdea le plantea hai le animalea, hai pala codoia „cărdea le manușes pala pesco chipo”. (Citisaren Geneza 1:27.) So cherel le manușen te aven diferime? Anda codoia că sam cărde pala o chipo le Devlesco, amen daisaras te sicavas iubirea hai ortomos, cadea sar vo sicavel-le. O Del dea-ame goghi caște daisaras te sichioas neve șiba, cărdea-ame cadea încât te placian-ame le șucar buchia, hai amaro ilo te avel bucurime cana așunas ghilea. Aver buchia diferime mașcar le manușa hai le animalea si că numai le manușa daștin te den pachiv le Devlesche hai te aven amala leia.

5. So phenel i Biblia anda creația si ciaces

MATERIALO VIDEO: Sas o Universo cărdo? (iech cotor) (3:51)

• Sicavel i Biblia că i Phuv hai i viața pa late sas cărde ande șov ghiesa de 24 ceasurea?

• Pachias că so phenel i Biblia anda creația si ciaces? Sostar?

Citisaren Geneza 1:1 hai pala codoia den duma:

• But manușa de știință phenen că le Universos sas-les iech începuto. So phanglimos si mașcar cadal buchia hai so phenel i Biblia?

Unii manușa pușen-pe dacă o Del folosisardea i evoluția caște cherel mai but forme viațache. Citisaren Geneza 1:21, 25, 27 hai pala codoia den duma:

• Sicavel-ame i Biblia că o Del cărdea iech forma viațachi simplo anda save cărdile hai butile pala codoia corcore, prin evoluție, le mașe, le mamifere hai le manușa? Sau sicavel că vo cărdea sea-l forme viațache „pala lengo felo”?b