2. So miștimata del o Iehova codolen cai bolen-pe sar lesche Martori?

Pala o bolimos, va avela te cheres partea andai familia fericime le Iehovaschi. Pala codoia va avela te simțosares le Iehovaschi iubirea caring tute ande mai but feluri hai te pașios vi mai but lestar. (Citisaren Maleahi 3:16-18.) Atunci o Iehova va avela chio Dad, hai va avela-tu phrala hai pheia spiritualo pe sea i phuv, cai iubin le Iehovas hai vi tut. (Citisaren Marcu 10:29, 30.) Angla so te cheres o bolimos trebul te cheres chichiva buchia. Trebul te sichios anda o Iehova, te iubis-les hai te șios chio pachiamos ande lesco Șiav. Pala codoia trebul te des chi viața le Iehovasche. Dacă arăsăs te cheres sea cadal buchia hai te boles-tu, va avela te aves po drom cai îngărel ca i viața veșnico. O Cuvânto le Devlesco phenel: „O bolimos . . . salvil acana vi tumen”. (1 Petru 3:21)

O Isus jianglea mișto că na savore anda amari familia va bucurina-pe că amen camas te slujisaras le Iehovasche. Citisaren Matei 10:34-36 hai pala codoia den duma:

• Cana varecon alosarel te slujil le Iehovasche, sar daștinas te phiraven-pe chichiva jene anda leschi familia?

MATERIALO VIDEO: O Iehova lea-ame peste (5:13)

• So va avela te cheres dacă varecon anda chi familia sau iech amal camel te na mechel-tu te slujis le Iehovasche?

Citisaren Psalmo 27:10 hai Marcu 10:29, 30. Pala so citisaren fiesavo verseto, den duma:

• Sar daștil te ajutil-tu cadai promisiunea dacă varecon anda chi familia sau anda che amala așen tuche contra?