LECȚIA 48

Av goghiaver cana alosares che amalen

Formato tipărimasco

Le lașe amala bucurin-pe amența cana jial amenghe mișto hai zuriaren-ame cana nachas prin pharimata. Tha i Biblia phenel amenghe că na oricon si iech lașio amal. Cadea că, sar daștis te alosares mișto che amalen? Dich le pușimata cai aven.

1. Sar cheren-tu te aves le amala cai si tut?

Butivar arăsas sar le manușa casa beșas. Cadai buchi daștil te avel lași sau nasul. Chiar cana sam lența fizico sau po interneto, trebul te las sama anda codoia că i Biblia phenel: „Con phirel le goghiaverența va avela goghiaver, tha con cherel-pe amal codolența bi goghiaco [codolența cai ci iubin le Iehovas] îngărela nasul”. (Proverbe 13:20) Le amala cai iubin le Iehovas hai anen lesche închinarea daștin te ajutin-ame te pașioas lestar hai te las lașe decizii. Tha le amala pașarde cai ci iubin le Iehovas daștin te cheren-ame te duriaras-ame lestar. Anda codoia i Biblia zuriarel-ame te avas goghiaver cana alosaras amare amalen. Cana amare amala iubin le Devles, si amen but miștimata vi amen, vi len. Cadea, daisaras ‘te zuriaras-ame vi mai dur iech averes hai te vazdas-ame iech averes’. (1 Tesaloniceni 5:11).

2. So si ando ilo le Iehovasco cana dichel so amala alosares?

O Iehova lel sama mișto sar alosarel pesche amalen. „Codo orta bucuril-pe catar iech amalimos chidino Leia”. (Proverbe 3:32) So avelas ando ilo le Iehovasco dacă alosaras amala cai ci iubin-les? Vo avelas duchado. (Citisaren Iacov 4:4.) Mai but, o Iehova va avela bucurime hai va camela te avas lesche amala dacă duriaras amendar le amalen nelașe hai pașioas lestar hai codolendar cai iubin-les. (Psalmo 15:1-4)

HACHIAR MAI MIȘTO

Va avela te diches sostar si importanto te aves goghiaver cana alosares che amalen hai sar daștin von te anen bucuria ande chi viața.

3. Le sama te na cheres tuche amala nasul

Le manușa cai ci iubin le Devles hai so manghel amendar vo, ci sile lașe amala. Dichen o MATERIALO VIDEO hai pala codoia den duma:

MATERIALO VIDEO: Te sichioas te duriaras amendar le amalen nasul (6:17)

Sar daisaras te arăsas te aven-ame amala nelașe bi te das amari sama?

Citisaren 1 Corinteni 15:33 hai pala codoia den duma:

So amalimata sile nasul anda tute? Sostar?

Citisaren Psalmo 119:63 hai pala codoia den duma:

Sar trebul te avel varecon caște avel iech lașio amal anda tute?

Iech ciaro phabaiența. Iech phabai cherni țârdel late le muște hai astarel te rimosarel vi le coaver phabaia. — Iech phabai cherni daștil te rimosarel vi le coaver phabaia. Sar daștil te paruvel-tu iech amalimos nelașio?

4. Vi le manușa cai ci sile sar amen daștin te arăsăn amare lașe amala

I Biblia del duma anda o David hai o Ionatan, dui murșa anda o Israelo purano. O Ionatan sas but mai phuro sar o David hai sas o șiav le regesco. Cu sea cadala, mașcar lende sas iech amalimos chidino. Citisaren 1 Samuel 18:1 hai pala codoia den duma:

Sostar ci trebulas te cheras amenghe amala numai de amare bărșa sau cai sile sar amen?

Citisaren Romani 1:11, 12 hai pala codoia den duma:

Sar zuriaren-pe iech averes le amala cai iubin le Iehovas?

Ando materialo video cai avel, va avela te diches sar arachlea iech tărno phral amala code cai ci ajucărdea-pe. Dichen o MATERIALO VIDEO hai pala codoia den duma:

MATERIALO VIDEO: Rode amala code cai ci ajucăres-tu te araches (5:06)

Sar dichlean, sostar sas-le îngrijorime le dada le tărnesche Akil anda so amala sas-les ca i școala?
So cărdea-les te camel te avel lența amal?
So cărdea vo caște na mai simțosarel-pe corcoro?

5. Sar daștis te cheres tuche șucar amalimata

Va avela te diches sar daștis te araches ciace amala hai sar daștis vi tu te aves iech ciacio amal. Dichen o MATERIALO VIDEO.

MATERIALO VIDEO: Sar si iech ciacio amal? (4:14)

Iech scena anda o materialo video „Sar si iech ciacio amal?”. Iech tărni si mașcar lache amala vi tărne vi phure, cai aven anda mai but thana hai placial lenghe te cheren diferime buchia.

Citisaren Proverbe 18:24 hai 27:17 hai pala codoia den duma:

Sar ajutin-pe le ciace amala iech averes?
Si tut amala sar cadala? Dacă nici, sar daștis te cheres-le tuche?

Citisaren Filipeni 2:4 hai pala codoia den duma:

Caște avel-tu lașe amala, mai anglal trebul vi tu te aves iech lașio amal. Sar daștis te cheres cadaia?

Colajo: Iech tărni si andi vizita ca trin anda le mai lașe amala. 1. Voi del duma iecha anda lende co telefono. 2. Del duma codoleia mai phuri ca i Sala le Regatoschi. 3. Jial chere ca iech anda lende cai rovel anda codoia că mulea lache varecon drago. — Caște avel-tu lașe amala, trebul *vi tu te aves* iech lașio amal

UNII MANUȘA PHENEN: „Si mai mișto te aves amal oricasa, sar te așes corcoro”.

So pheneias lenghe?

SO SICHILEAM

Dacă sam goghiaver cana alosaras amare amalen, bucurisaras le Iehovas hai si amen but miștimata.

So dichleam

Sostar camel o Iehova te jianel so amala alosaras?
So amalimata ci trebul te aven-ame?
Sar daștis te cheres tuche ciace amala cai iubin le Iehovas?

I data cana cărdean i lecția:

So trebul te cheres

Cher tuche mai but amala andi congregația.

Aver vareso:

Aver obiectivea cai si tut

RODE MAI BUT

Va avela te diches sar daștin te ajutin-ame le lașe amala cana nachas prin pharimata.

„Te cheras amenghe amalimata chidine angla te avel o sfârșito” (O Turno de veghe, noiembria 2019)

Va avela te diches sar te cheres tuche lașe amala.

„Sar daștiv te cherav manghe lașe amala?” (Le tărne pușen-pe – Răspunsuri cai ajutin-le, volumo 1, o capitolo 8)

So trebul te prinjianes anda le amala pa o interneto?

Av goghiaver cana phires po interneto (4:12)

Andi relatarea „Camlem zurales but te avel-ma iech dad”, va avela te diches so cărdea ieche murșes te avel atento sar alosardea pesche amalen.

„I Biblia paruvel i viața le manușenghi” (O Turno de veghe, 1 aprilia 2012)