Sar daștil te ajutil-tu i Biblia?

Le mai but anda amende șioas amenghe pușimata anda i viața, i duch, o merimos hai o viitorii. Sa cadea, ame gândisaras-ame ca le pharimata de fiesavo ghies sar avelas, te cheras love caște traisaras sau so te cheras caște avel-ame iech familia fericime. But manușa arachle andi Biblia le răspunsuri ca le mai bare pușimata la viațache, tha vi sfaturi lașe anda i viața de fiesavo ghies. Pachias că i Biblia daștil te ajutil le manușen?

1. Save si chichiva pușimata savende i Biblia del răspunso?

I Biblia del răspunso ca le pușimata importanto cai aven: Catar avel i viața? Sostar traisaras? Sostar sile duchade le manușa lașe? So si amența cana meras? Dacă fiesavo manuș camel pacea, sostar si cadichi de but marimata? Va avela distrugime sau nici i phuv ando viitorii? I Biblia phenel amenghe te rodas răspunsuri cadale pușimatande hai milioanea manușa pachian că lache răspunsuri sile zurales lașe.

2. Sar daștil te ajutil-ame i Biblia te avas bucurime ande fiesavo ghies?

I Biblia del-ame lașe sfaturi. Sar exemplo, sicavel le familien sar te aven ciaces fericime. Phenel amenghe so te cheras cana sam stresome hai sar te arachas bucuria ande amari buchi. Mai dur va avela te dichas ande iech than so sicavel-ame i Biblia anda cadal subiectea hai anda aver. Va avela te diches vi tu că „sea i Scriptura [sea so si andi Biblia] si . . . lași.” (2 Timotei 3:16)

HACHIAR MAI MIȘTO

Dich sar ajutisardea i Biblia le manușen, sar daștis vi tu te araches bucuria cana citisares-la hai sostar si mișto ca varecon te ajutil-tu te hachiares-la.

3. I Biblia sicavel-ame so te cheras

I Biblia si sar iech zurali lumina. Voi sicavel-ame sar te las lașe decizii hai ajutil-ame te dichas so ajucărel-ame ando viitorii.

Citisaren o Psalmo 119:105 hai pala codoia den duma:

• Sar dichlea o manuș cai scriisardea cado psalmo i Biblia?

• Tu sar diches i Biblia?

4. I Biblia daștil te del răspunso ca le pușimata cai situ

MATERIALO VIDEO: Na hasar niciechdata chi speranța! (1:48)

• Ce pușimata șiutea pesche cadai jiuvli?

• Sar ajutisardea-la o studio la Bibliaco?

I Biblia phenel amenghe te șioas amenghe pușimata. Citisaren Matei 7:7 hai pala codoia den duma:

• Ce pușimata situ savende i Biblia daștil te del-tu o răspunso?

5. Sar daștis te araches bucuria cana citisares i Biblia?

MATERIALO VIDEO: I citirea andai Biblia (2:05)

• So pachianas le tărne anda o materialo video anda o citimos?

• Chiar cana ci placial-le te citisaren, sostar andai Biblia placial-le te citin?

So sichioas andai Biblia daștil te zuriarel amaro ilo hai te del amen speranța. Citisaren Romani 15:4 hai pala codoia den duma:

• Cameias vi tu te diches sar i Biblia daștil te zuriarel chio ilo hai te del-tu speranța?

6. Caște hachiaras i Biblia trebul amenghe ajutorii

But manușa cai citisarde corcore i Biblia dine penghi sama că cana den duma averența anda late hachiaren-la mai mișto. Citisaren Faptele 8:26-31 hai pala codoia den duma:

• Sar daisaras te hachiaras i Biblia? (Dichen le versetea 30 hai 31.)

SO SICHILEAM

I Biblia del-ame sfaturi anda i viața de fiesavo ghies, del răspunso ca le mai bare pușimata la viațache, zuriarel amaro ilo hai del-ame speranța.

So dichleam

• Ce sfaturi arachas andi Biblia?

• Save si chichiva pușimata savende i Biblia del răspunso?

• So cameias te sichios andai Biblia?

RODE MAI BUT

Dich ce lașe sfaturi del-ame i Biblia aghies.

„Le goghiaver sicaimata andai Biblia – lașe sea o timpo” (O Turno de veghe, nr. 1 2018)

Dich sar ajutisardea i Biblia ieche murșes te nachel părdal le pharimata emoționalo cai sas-les de șiavorro.

Sar arachlem i ciaci fericirea (2:53)

Dich mai mișto ce lașe sfaturi del i Biblia anda le familii.

„12 buchia cai ajutin la familia te avel fericime” (Ușten!, nr. 2 2018)

Dich so sicavel i Biblia anda con conducil ciaces i lumea.

Sostar te studiis i Biblia? (versiunea completo) (3:14)

1. Dacă le manușa scriisarde i Biblia, sostar daisaras te phenas că avel catar o Del?

I Biblia sas-li scriime cam 40 murșendar ande 1 600 bărșa, mașcar o bărș 1513 a.a.e. hai o bărș 98 a.e. Codola cai scriisarde-la sas-le zurales diferime iech averestar hai cherenas diferime buchia. Cu sea cadala, sea-l buchia cai scriisarde-le, sas-le phangle mașcar pende. Sar daștisardea-pe cadai buchi? Anda codoia că i Biblia si o Cuvânto le Devlesco. (Citisaren 1 Tesaloniceni 2:13.) Le murșa ci șiute andi Biblia so sas ande lenghi goghi. Von „dine duma le Devlestar, anda codoia că sas-le phirade le spiritostar sfânto”a. (2 Petru 1:21). Ciaces, o Del folosisardea pesco spirito sfânto caște șiol andi goghi cadale murșenghe so vo camlea te scriin. (2 Timotei 3:16)