3. So daisaras te cheras caște sicavas că si cuci anda amende so cărde von

Te phenas că varecon hastradea chi viața cana sas te tasos ando pai. Va avela te bâstres sigo so cărdea codo manuș anda tute? Sau va avela te rodes te sicaves lesche că si cuci anda tute so cărdea vo?

Anda codoia că o Iehova sicadea lașimos caring amende, amen daisaras te traisaras anda sea o timpo. Citisaren 1 Ioan 4:8-10 hai pala codoia den duma:

• Sostar o merimos le Isusosco si iech cadouo zurales baro?

• So si ande chio ilo cana jianes so cărde o Iehova hai o Isus anda tute?

Sar daisaras te sicavas că dichas cuci so cărde o Iehova hai o Isus anda amende? Citisaren 2 Corinteni 5:15 hai 1 Ioan 4:11; 5:3. Pala soste citisaren fiesavo verseto, den duma:

• Pala sar phenel o verseto, sar daisaras te sicavas că o merimos le Isusosco si cuci anda amende?

1. Sostar camas te das amari viața le Iehovasche?

Das amari viața le Iehovasche anda codoia că iubisaras-les. (1 Ioan 4:10, 19) I Biblia phenel: „Te iubis le Iehovas, chio Del, sea che ileia, sea che sufletoia, sea chia goghiaia hai sea che zuralimaia”. (Marcu 12:30) Sicavas că iubisaras le Devles na numai prin so phenas tha vi prin so cheras. Cadea sar i ciaci iubirea cherel ieche murșes hai iecha jiuvlea te cheren iech solaharimos, sa cadea amari iubirea caring o Iehova va cherela-ame te das amari viața lesche hai te bolas-ame.