Sicav că diches cuci so cărde o Iehova hai o Isus anda tute

So si ande chio ilo cana iech amal cherel tuche iech șucar cadouo? Daștil-pe că bariol chio ilo hai sicaves lesche chichi de cuci si anda tute so vo cărdea. O Iehova hai o Isus dine-ame o mai cuci cadouo cai varecon daștilas te del-les amenghe vroiechdata. So si cado cadouo hai sar daisaras te sicavas că silo cuci anda amende?

1. Sar daisaras te sicavas că dichas cuci so cărde o Del hai o Cristos anda amende?

I Biblia phenel că „oricon sicavel pachiamos ando [Isus]” daștil te trail anda sea o timpo. (Ioan 3:16) Tha sar daisaras te sicavas pachiamos? Si mai but sar te pachias ando Isus. Trebul te sicavas pachiamos vi prin le buchia cai alosaras te cheras-le hai vi prin amaro phiraimos. (Iacov 2:17) Cana sicavas amaro pachiamos prin so cheras hai prin so phenas, zuriaras amaro amalimos le Isusoia hai lesche Dadeia, o Iehova. (Citisaren Ioan 14:21.)

2. So evenimento specialo ajutil-ame te sicavas că dichas cuci so cărde o Iehova hai o Isus anda amende?

Andi riat angla te merel, o Isus phendea pesche discipolenghe încă iech modo prin savo te sicaven că si cuci anda lende i bari buchi cai vo cărdea-la. Vo phendea lenghe te chiden-pe ande iech than caște încăren cado evenimento baro cai andi Biblia bușiol „i Cina le Raieschi”, prinjiando vi sar i Comemorarea le merimaschi le Cristososchi. (1 Corinteni 11:20) O Isus camlea ca le apostoli hai, pala codoia, sea le ciace creștini te anen penghe amintea că vo mulea anda amende. Cadea că, o Isus phendea: „Continuin te cheren cadai buchi ande mânri amintirea”. (Luca 22:19) Cana vi tu jias ca i Comemorarea, sicaves că si cuci anda tute i bari iubirea cai o Iehova hai o Isus sicade-la caring amende.

HACHIAR MAI MIȘTO

3. So daisaras te cheras caște sicavas că si cuci anda amende so cărde von

Te phenas că varecon hastradea chi viața cana sas te tasos ando pai. Va avela te bâstres sigo so cărdea codo manuș anda tute? Sau va avela te rodes te sicaves lesche că si cuci anda tute so cărdea vo?

Anda codoia că o Iehova sicadea lașimos caring amende, amen daisaras te traisaras anda sea o timpo. Citisaren 1 Ioan 4:8-10 hai pala codoia den duma:

• Sostar o merimos le Isusosco si iech cadouo zurales baro?

• So si ande chio ilo cana jianes so cărde o Iehova hai o Isus anda tute?

Sar daisaras te sicavas că dichas cuci so cărde o Iehova hai o Isus anda amende? Citisaren 2 Corinteni 5:15 hai 1 Ioan 4:11; 5:3. Pala soste citisaren fiesavo verseto, den duma:

• Pala sar phenel o verseto, sar daisaras te sicavas că o merimos le Isusosco si cuci anda amende?

4. Le-tu pala o Isus

Mai daștis te sicaves că si cuci anda tute so cărdea o Isus cana les-tu pala leste. Citisaren 1 Petru 2:21 hai pala codoia den duma:

• Sar daștis vi tu ‘te uștares chichi mai exacto pe le urme’ le Isusosche?

5. Jia ca i Comemorarea le merimaschi le Isusoschi

Caște diches sar încărdea-pe i iechto data i Cina le Raieschi, citisaren Luca 22:14, 19, 20 hai pala codoia den duma:

• Sar încărdea-pe i Cina le Raieschi?

• So sicaven o manro hai i mol? (Dich le versetea 19 hai 20.)

O Isus camlea ca lesche discipoli te încăren i Cina le Raieschi iech data po bărș, ando ghies cana vo mulea. Anda codoia, le Martori le Iehovasche chiden-pe ande iech than ande fiesavo bărș caște anen penghe amintea anda o merimos le Cristososco, cadea sar mechlea vo. Caște jianes mai but anda cado evenimento zurales baro, dichen o MATERIALO VIDEO hai pala codoia den duma:

MATERIALO VIDEO: Te anas-amenghe amintea le merimastar le Isusosco (1:41)

• Sar încărel-pe i Comemorarea?

O manro hai i mol sicaven vareso. O manro sicavel o corpo perfecto le Isusosco, cai dea-les anda amende hai i mol sicavel lesco rat

SO SICHILEAM

Cana pachias-ame ando Isus hai jias ca i Comemorarea lesche merimaschi, sicavas că si cuci anda amende so cărdea vo.

So dichleam

• Sar daisaras te sicavas pachiamos ando Isus?

• Sar cameias te sicaves că anda tute si cuci so cărde o Iehova hai o Isus?

• Sostar si zurales importanto te avas ca i Comemorarea le merimaschi le Cristososchi?

RODE MAI BUT

So spidel-ame o ilo te cheras anda codoia că o Cristos mulea anda amende?

Prin le buchia cai cărdea-le, o Isus andea pachiv le Iehovasche (9:28)

Va avela te prinjianes mai but buchia anda o pachiamos hai anda sar daștis te sicaves-les.

„Te sicavas că si amen pachiamos ande so phendea o Iehova” (O Turno de veghe, octombria 2016)

Va avela te diches sar parudea i viața iecha jiuvleachi o merimos le Cristososco, andi relatarea anda i viața le phralenghi cai bușiol „Simțosarav-ma uji, pherdi viața hai bucurime”.

„I Biblia paruvel i viața le manușenghi” (O Turno de veghe, 1 augusto 2011)

Va avela te hachiares sostar si țâra codola cai han anda o manro hai pien anda i mol ca i Comemorarea.

„Sostar ci încăren le Martori le Iehovasche i Cina le Raieschi cadea sar aver religii?” (Articolo pa amaro site-o)