I VIAȚA SAR CREȘTINI

Te ajutisaras le manușen cai ci sile religioși te prinjianen Codoles cai cărdea-le

Încăres-tu parpale te des duma le manușența cai ci sile religioși, anda codoia că pachias că ci camen te așunen so phenel i Biblia? Cana si cadea, an tuche amintea că but manușa cai ci sas-le religioși, chiar vi manușa cai ci pachiaie că si iech Del, arăsle Martori le Iehovasche. Butivar, trebulas lenghe numai iech țâra ajutorii caște hachiaren că si iech Del. (Ro 1:20; 10:14)

DICHEN O MATERIALO VIDEO TE NA BÂSTRAS CĂ CODOLEN CAI NAI-LE PACHIAMOS DAȘTIN TE ARĂSĂN TE AVEL-LE – CODOLA CAI NAI-LE RELIGIOȘI, HAI DEN RĂSPUNSO CA LE PUȘIMATA CAI AVEN:

Sar ajutisardea-tu i experiența le phraleschi Tommaso te diches lașe iachența o fapto te des duma le manușența cai ci sile religioși?

Chio răspunso

Sar te cheres cadaia

Cana iech manuș phenel că ci pachial ando Del, de duma șucar hai pherdo lașimos leia hai sicav lesche că cames ciaces te jianes so si ande leschi goghi hai ande lesco ilo anda cado subiecto. (2Ti 2:24) De duma leia anda so camel vo te jianel. Camel vo te del duma anda le buchia cai ajutisarde bute manușen te arăsăn te pachian că si iech Creatorii? Cana si cadea, sicav lesche le publicații hai le materialea video cai den duma anda cadal buchia. Le broșuri I viața – Sas cărdi ieche Creatorostar? hai Catar avel i viața – Panji pușimata cai trebun te aven dichle, sile acana șiute andi secțiunea „Instrumentea anda sicaimos”, caște daștis te araches-le mai ușoro.

Daștil-pe că si tuche dar te des duma anda o ciacimos varecaia cai ci pachial ando Del. Mang o ajutorii ieche phralestar cai siles mai but experiența. Na bâstăr, că o Iehova daștil te ajutil-ame te arăsas co ilo codolengo sinceri, chiar cana co începuto cadala ci pachian că si iech Del. (Fa 13:48)