So va ajutila tut te citis andai Biblia ande fiesavo ghies?

Si tut but buchia te cheres hai si tuche pharo te citis ande fiesavo ghies andai Biblia? (Ios. 1:8) Dacă da, te dichas so daștil te ajutil tut:

• Daștis te șios tuche iech alarma. Daștis te șios tuche iech alarma po telefono sau pe aver dispozitivo cai te anel tuche amintea ande fiesavo ghies te citis andai Biblia.

• Încăr i Biblia ande iech than cai te diches-la. Dacă citis anda iech Biblia tipărime, șiola ande iech than cai si ușoro te diches-la ande fiesavo ghies. (Deut. 11:18)

• Așun le înregistrări audio. Daștis te așunes i Biblia ando timpo so cheres che buchia de fiesavo ghies. I Tara, iech dei cai cherel pionierato hai cherel buchi andi riat, phenel: „Așunav i Biblia cana cherav buchi ando chăr, hai cadaia ajutil man te citiv andai Biblia ande fiesavo ghies”.

• Na mech tut. Cana întâmplol-pe buchia cai ci ajucăres tut hai paruvel-pe chio programo, de chi zor te citis chichiva versetea, chiar vi angla te soves. Chiar vi iech țânorro paso cai cheres-les ande fiesavo ghies daștil te îngărel tut dur. (1 Pet. 2:2)