Cher tuche iech imaginea andi goghi anda le relatări biblico cai citis-len

I Biblia del duma anda but buchia cai întâmplosarde-pe andel purane ghiesa hai ande cadal relatări arachas sicaimata importanto. Dacă das amari zor te cheras amenghe iech imaginea andi goghi cana citisaras cadal relatări, va avela te hachiaras-len mai mișto hai va avela te țârdas mai bare miștimata anda so citisaras. Dich chichiva buchia cai daștin te ajutin tut te cheres cadaia.

• Citisar voceasa zurali. Dacă va avela te citis voceasa zurali va avela te imaginis tuche mai claro so întâmplosardea-pe. Cana citin iech relatarea andai Biblia tumara familiasa, voi daștil te avel mai ciaci anda tumende, dacă des fiesaves te citil le dumes ieche jenesche andai relatarea.

• Imaginisar tuche so întâmplosardea-pe. De chi zor te hachiares so gândilas hai so sas ando ilo codole manușesco anda savo citis. Sar exemplo, puș tut: „Sostar dea duma sau phiradea-pe cadea? Ca so avelas te gândiv man me dacă somas ande lesco than? So avelas ande mânro ilo?”.

• Cher iech deseno sau iech schița. Dacă cheres iech deseno anda le relatări cai citis-len, va avela tut iech imaginea mai lași andi goghi hai va avela te anes tuche amintea lendar mai ușoro, chiar cana chio deseno na-i cadea de șucar.