⁸ Yijil, ni mipak yend yivud, yayifisha nich akayitil. Pakwez, in kupesh a piur a Isarel asalanga mwinshin mwa Yijil ading akad kuwanyin ni katwishap kupan ya kupesh yiwanyidina mulong wa chitil. Chawiy, chimekeshin anch Yijil “yakanganya mulong wa kuziy kwa muntu.” Pakwez “wamutuma Mwanend amwinend mu chifu cha mujimbu wa chitil,” ni kumupan mudi chakupesh, Nzamb “wafisha nich yitil,” ni kupandakan “yakanganyau kusal mu Yijil ya Moses.” Mudi chibudikin, in Kristu azizidilau many ikala atentamina kwambatan nich ritiy mu difut dia yakupesh ya Yesu. Awiy ayilejin anch kafanyidinap “kwendil mu mujimbu wa mbij, pakwez kwendil mu chilik cha spiritu.” (Tang Rom 8:3, 4, TMK.) Chikwau kand, awiy afanyidin kusal mwamu mu mutapu ushinshamena djat ni kwinsudiel kwa mwom wau pa divu mulong wa kutambul “chibangul cha mwom.”—Kuj. 2:10.

10. Ov, mutapu ik tudia mwishin mwa yijil ya chitil ni ya rufu?

¹⁰ Kambuy Paul wafunda anch: “Chawiy mudi chitil chandama mu mangand mulong wa muntu umwing, ni rufu randama mulong wa chitil, chawiy rufu rashika kudi antu awonsu mulong antu awonsu asala chitil.” (Rom 5:12, TMK) Mulong tudi an a Adam, etwawonsu tudi mu chijil cha chitil ni cha rufu. Mujimbu wetu wa yitil utukasikeshin chisu chawonsu kusal yom yikisinay Nzamb, chakwel tushikena ku kufa. Mu mukand wend wayifundinay in Galatia, Paul wisambina piur pa yisal ni yaku yiney mudi “midimu ya mbij.” Kupwa ndiy walonda kand anch: “Awiy akata kusal yom yiney kakez kaswanip want wa Nzamb.” (Gal. 5:19-21, TMK) Antu a mutapu winou kashalijadinap ni antu akata kwendil mu mujimbu wa mbij. (Rom 8:4) “Chany chidia mu muchim chitakedila yisal ya muntu” ni ‘chany chau cha mwom’ chidi kamu cha mujimbu wa mbij. Pakwez, ov, antu asadila kusotan, kwifukwil akish, ni chisal cha kubauk, ap iyadjikininga kand mu yitil yikwau yikash awiy kusu akat kwendil mu mujimbu wa mbij? Bwat, pakach pa midimu ya mujimbu ya mbij mudi kand yom yimwing tukutwisha kuman mudi yilim kusu, mudi mikau, maujim, ntad, ni ris. Ov, nany ukutwisha kulond anch kakatap kwendang kand mu mujimbu wa mbij?

¹² Mwikadil wetu udi wa chilik chimwing ni kutwok ku mayej makash. Anch tuchingejin kuyerik, tufanyidin kusal yitulejinay mwingang. Ap anch kwijidij ritiy mu difut kukutwish kutudiosh mu yijil ya chitil ni ya rufu, tuchidi ni katat akad kuwanyin ni akayitil. Chitin yom yivud mulong wa kwikal mu urund wa piswimp ni Nzamb ni kutambul kwitiyik ni chiyukish cha Nzamb. Kulondulijan nich kuwanyin kwa “yom yitentamina yitinau mu Yijil,” Paul wisambidin kand piur pa mulong wa kwendil mu chilik cha spiritu.

Kwendil mu Chilik cha Spiritu—Ov, Mutapu ik?

13. Ov, kwendil mu chilik cha spiritu kurumburikin ik?

¹³ Pitwendila, tuyiling pakemp-pakemp kwi ndond ap ku rutong kanang. Chawiy lel, kwendil mu chilik cha spiritu kwitin kuya kurutu muspiritu—chitinap kuwanyin muspiritu ap kuburen kusal uyimp. (1 Tim. 4:15) Dichuku ni dichuku ni kwambatan nich ukaliweny wetu, tufanyidin kusal usu wa kwendil, ap kushakam mu mwom wetu mu chilik nich wintakel wa spiritu. ‘Kwendil ku spiritu’ kukat kulet kwitiyik kwa Nzamb.—Gal. 5:16.