Kusambish ngond wa Chidivu, Mukand wa Chikumangan Mudimu ni Mashakamin ukwikal ni chakumenaku cha chilakej chisu chikweta mutu wa mulong ulondina anch “Lejan Uyakin.” Chitongijok chetu chikwikal cha kulejan uyakin wa pa dishin wa Bibil, pa kusadin chipul ni mufund wa Bibil.

Anch twajingunin anch muntu usangaredin, tukutwish kukudish musangar winou mulong wa kumuchirikin pa kumwinkish mukand ap kumulej video udia pa jw.org. Tufanyidin kusal usu wa kumuchirikin pakad kulab mulong wa kukasikesh kand mambamb. Yakumenaku yisu yiney ni yikulonday mwin kwilej yimedin pa mushet wa mu wiswimp wa shapitre wa buku Chom ik Chitufundishinay Bibil? Mwinomu mudi yipul ni ma verse mulong wa kutukwash kuyichirikin antu ap kutakel dilejan dia Bibil pa kusadin kwau Bibil.

Kudi kwau njil yimwing yitwadila ku mwom. (Mt 7:13, 14) Anch twayilej antu a marelijon ni a ngand kushalijan, tufanyidin kusadin uyakin wa Bibil kushalijan mulong wa kumukwash muntu mwawonsu kukwatijan ni maswir mend. (1Tm 2:4) Anch twasadin mitapu kushalijan ya mambamb ni kukudish ukaliweny wetu mu “kulejan dizu dia uyakin nich kutentam,” musangar wetu ukupandikan, ni tukutwish kamu nawamp kuyilej antu akwau uyakin.—2Tm 2:15.

Antu awonsu pa mangand akweting kuswir kwa rongoj. (Mul 4:1) Mwi ngond wa Chidivu wa kabuj, tukusal usu mulong wa kupan Chinong cha Kalam chikwisambina piur pa rongoj. Ipana nakash mu kupan gazet winou. Pakwez, mulong tukwet kuswir kwa kuyilej antu chakwel tuyikasikesha, tukushap gazet ku chikumbu kwakad antu.

YOM YA KULOND

“Yisu yimwing, etu awonsu tukweting kuswir kwa rongoj. Pakwez kwisu tukutwisha kutan rongoj? [Tang 2 Korint 1:3, 4.] Gazet winou Chinong cha Kalam ulejen mutapu ukatay Nzamb kulet rongoj riner.”

Anch muntu usangaredin ni watambul gazet, . . .

Kupwa sambish dilejan dia Bibil.

Mwipula chipul chiukwakula piukumuchirikina, mudi chipul ech “Mulong wak Nzamb ulikidin mar?”