OAHPPAOASSI 10
Mo don sáhtat dovdát duohta oskkoldaga?
1. Leago dušše okta duohta oskkoldat?
”Váruhehket vearri profehtain.” (MATTEUSA 7:15.)
Jesus oahpahii su maŋisboahttiide dušše ovtta oskkoldaga, duohta oskkoldaga. Dat lea nugo geaidnu, mii doalvu agálaš eallimii. Jesus celkii: ”Hárvásat gávdnet dan.” (Matteusa 7:14.) Ipmil dohkkeha dušše Biibbala duohtavuhtii vuođđuduvvon bálvaleami. Duohta bálvaleaddjiid ovttastahttá ”okta osku”. (Loga Johanasa 4:23, 24; 14:6; Efesoslaččaide 4:4, 5.)
2. Maid Jesus celkii vearri kristtalaččaid birra?
”Sii čuoččuhit ahte sii dovdet Ipmila, muhto daguideasetguin sii biehttalit su.” (TITUSII 1:16.)
Jesus váruhii, ahte ”vearri profehtat” bilidivčče kristtalašvuođa. Olgguldasat sii leat nugo duohta kristtalaččat. Sii dadjet, ahte sin girkut leat kristtalaččat. Don sáhtat guittotge oažžut čielgasa makkárat sii duođalaččat leat. Mo? Dušše duohta oskkoldaga oahpahusa mielde bohtet eakta kristtalaččat. Sin sáhttá dovdát sin iešvuođaid ja doaimmaid bokte. (Loga Matteusa 7:13–23.)
3. Mo don sáhtat dovdát duohta kristtalaččaid?
Smiehta čuovvovaš vihta dovdomearkka:
Duohta kristtalaččaide Biibbal lea Ipmila sátni. Sii isket eallit dan prinsihpaid mielde. Duohta oskkoldat lea earálágan go oskkoldagat, mat vuođđuduvvojit olbmuid jurdagiidda (Matteusa 15:7–9). Duohta kristtalaččat ellet nugo sii sárdnot. (Loga Johanasa 17:17; 2. Timoteusii 3:16, 17.)
Jesusa eakti maŋisboahttit gudnejahttit Ipmila nama Jehova. Jesus gudnejahtii Ipmila nama, go son dagai dan dovdosin. Son veahkehii olbmuid dovdat Ipmila ja rohkadallat Ipmila nama basuheami (Matteusa 6:9). Mii oskkoldat dahka Ipmila nama dovdosin du guovllus? (Loga Johanasa 17:26; Romalaččaide 10:13, 14.)
Duohta kristtalaččat sárdnot Ipmila riikka birra. Ipmil sáddii Jesusa sárdnut Riikka buorre ođđasa. Ipmila riika lea álbmoga áidna doaivu. Jesus hálai alo Ipmila riikka birra su jápmima rádjái. (Lukasa 4:43; 8:1; Johanasa 18:36, 37.) Son celkii, ahte su maŋisboahttitge sártnošedje dan birra. Jos giinu boahtá hállat dutnje Ipmila riikka birra, man oskkoldatgoddái son jáhku mielde gullá? (Loga Matteusa 24:14.)
Jesusa máŋisboahttit eai leat oassi dán bahás máilmmis. Don sáhtat dovdát sin das, ahte sii eai váldde oasi politihkkai eaige servodaga konfliktaidda. (Johanasa 17:16; 18:36.) Sii eai maiddái čuovo dán máilmmi vahátlaš dábiid ja jurddašanvuogi. (Loga Jáhkoba girji 4:4.)
Duohta kristtalaččaid siste lea earenoamaš ráhkisvuohta. Ipmil sátni lea oahpahan sin gudnejahttit buot etnihkalaš joavkkuid. Vearri oskkoldagat leat dávjá addán garrasit doarjaga álbmogiid gaskasaš sođiide, muhto duohta kristtalaččat biehttalit bargamis nu (Mika 4:1–3). Dađe vuostá duohta kristtalaččat geavahit eahpevuovnnalaččat sin áiggi, fámuid ja váriid nuppiid veahkeheami ja jeđđema várás. (Loga Johanasa 13:34, 35; 1. Johanasa girji 4:20.)
4. Dovdátgo duohta oskkoldaga?
Mii oskkoldat vuođđuda buot sin oahpahusaid Ipmil sátnái, gudnejahttá Ipmila nama ja sárdnu, ahte Ipmila riika lea álbmoga áidna doaivu? Mii joavku čujuha ráhkisvuođa sin eallimis iige váldde oasi sođiide? Maid don jurddašat? (Loga 1. Johanasa girji 3:10–12.)