16 Buluka penepo, Yakobe alamuka ncitulo, mbalonga: “Mwandimomwene, Yahova ali pa mbuto ino, ine nee ndikhadziwa pyenepi.” 17 Iye agopa, mbathimiza kulonga: “Mbuto ino yasiyana na mbuto zinango, ino ndi mbuto yakucena!* Mwandimomwene, mbuto ino ndi nyumba ya Mulungu,+ pontho ndi nsuwo wakudzulu.”+ 18 Natenepa, Yakobe alamuka mangwana mwace namacibese, akwata mwala ukhadatsamisa iye nsolo wace, aulimirisa toera ukhale cidzindikiro, mbathirira mafuta padzulu pamwala unoyu.+ 19 Natenepa, mbuto ineyi iye aipasa dzina ya Bheteli,* mbwenye kale nzinda unoyu ukhacemerwa Luzi.+

13 Ine ndine Mulungu wandimomwene wa ku Bheteli,+ kule kudathirira iwe mafuta pamwala, kudadumbira iwe pamaso panga.+ Cincino lamuka, buluka mu dziko ino, mbubwerera ku dziko idabalwa iwe.’”+