7 Elizeu alonga: “Bveserani mafala a Yahova. Ipi ndi pidalonga Yahova: ‘Mangwana pa ndzidzi ninga uno, pansuwo ukulu wa* Samariya, seya ibodzi* ya ufa wadidi inadzaguliswa na siklo ibodzi,* pontho maseya mawiri a sevadha anadzaguliswa na siklo ibodzi.’”+ 2 Natenepa, ntsogoleri m’bodzi wakuti mambo akhan’nyindira apanga ntumiki wa Mulungu wandimomwene: “Ngakhale Yahova afungule kudzulu,* kodi pyenepi pinacitikadi?”+ Penepo Elizeu alonga: “Iwe unadzaona pyenepi na maso ako,+ mbwenye nee unadzapidya.”+